മുംബൈ: മുംബൈയിലെ കാണ്ടിവാലി ചാർകോപ്പ് മേഖലയിൽ ഡെലിവറി വാഹനത്തിൽ നിന്ന് 27 എൽപിജി സിലിണ്ടറുകൾ മോഷണം പോയ സംഭവത്തിൽ പൊലീസ് അന്വേഷണം ആരംഭിച്ചു. അഞ്ച് നിറച്ച സിലിണ്ടറുകളും 22 കാലി സിലിണ്ടറുകളുമാണ് മോഷണം പോയത്.
ഡെലിവറി ഏജന്റായ നന്ദകുമാർ രാംരാജിന്റെ പരാതിയെ അടിസ്ഥാനമാക്കി മാർച്ച് 25നാണ് കേസ് രജിസ്റ്റർ ചെയ്തത്. വീടിന് സമീപം പാർക്ക് ചെയ്തിരുന്ന വാഹനത്തിന്റെ ഗ്ലാസ് തകർത്തും പിന്നിലെ പൂട്ടു പൊളിച്ചുമാണ് മോഷ്ടാക്കൾ സിലിണ്ടറുകൾ കടത്തിയത് എന്നാണ് എഫ്ഐആറിൽ പറയുന്നത്.
സംഭവത്തിൽ പ്രതികളെ കണ്ടെത്താൻ പൊലീസ് പ്രത്യേക സംഘങ്ങൾ രൂപീകരിച്ചിട്ടുണ്ട്. സമീപ പ്രദേശങ്ങളിലെ സിസിടിവി ദൃശ്യങ്ങൾ പരിശോധിച്ചപ്പോൾ വാഹനത്തിനരികെ സംശയാസ്പദമായി ചിലർ നിൽക്കുന്നത് കണ്ടെത്തിയിട്ടുണ്ട്. ഇവരെ തിരിച്ചറിഞ്ഞ് പിടികൂടാനുള്ള നടപടികൾ പുരോഗമിക്കുകയാണെന്ന് അധികൃതർ അറിയിച്ചു.
English Summary: Police in Mumbai are investigating the theft of 27 LPG cylinders from a delivery vehicle in Kandivali’s Charkop area.