മുടി കൊഴിച്ചിൽകൊണ്ട് പൊറുതി മുട്ടിയോ? ഈ കാര്യങ്ങൾ ശ്രദ്ധിക്കാം

പ്രോട്ടീൻ, ഇരുമ്പ്, സിങ്ക്, വിറ്റാമിനുകൾ എന്നിവ അടങ്ങിയ ഭക്ഷണം കഴിക്കുക. മുട്ട, പയർവർഗങ്ങൾ, ഇലക്കറികൾ, നട്‌സ് എന്നിവ ഭക്ഷണത്തിൽ ഉൾപ്പെടുത്താം.

ഹെയർ ഡ്രയർ, സ്‌ട്രെയ്റ്റനർ തുടങ്ങിയ ഉപകരണങ്ങളുടെ അമിത ഉപയോഗം ഒഴിവാക്കുക, ഇവ മുടി പൊട്ടുന്നതിന് കാരണമാകാം.

മുടിയുടെ സ്വഭാവത്തിന് അനുയോജ്യമായ ഷാംപൂ ഉപയോഗിച്ച് ആവശ്യാനുസരണം കഴുകുക.

മതിയായ ഉറക്കം, വ്യായാമം, വിശ്രമം എന്നിവ മുടിയുടെ ആരോഗ്യത്തിന് ഏറെ പ്രധാനമാണ്.

എണ്ണ തേക്കുന്നത് മുടിയുടെ വരൾച്ച കുറയ്ക്കാനും അതുവഴി മുടി പൊട്ടുന്നത് കുറയ്ക്കാനും സഹായിച്ചേക്കാം. എന്നാൽ മുടി കൊഴിച്ചിലിന്റെ എല്ലാ കാരണങ്ങളും ഇത് പരിഹരിക്കില്ല.

നനഞ്ഞ മുടി ശക്തിയായി ചീകുന്നതും വലിച്ചുകെട്ടുന്നതും ഒഴിവാക്കുക, കാരണം നനഞ്ഞിരിക്കുമ്പോൾ മുടി കൂടുതൽ ദുർബലമാവുകയും എളുപ്പത്തിൽ പൊട്ടിപ്പോവുകയും ചെയ്യുന്നു.