Madism Desk
നെഞ്ചിടിപ്പ് വർധിക്കുക, വേഗത്തിലുള്ള ശ്വാസോച്ഛാസം, അമിതമായ ശാരീരിക ലക്ഷണങ്ങൾക്ക് കാരണമാകുന്ന പെട്ടന്നുണ്ടാകുന്ന അതികഠിനമായ ഭയമാണ് പാനിക് അറ്റാക്ക്.
പേശികൾ റിലാക്സ് ചെയ്യുക: ശരീരത്തിലെ പേശികൾക്ക് വിശ്രമം നൽകുന്നത് പാനിക് അറ്റാക്കിന്റെ തീവ്രത കുറയ്ക്കാൻ സഹായിക്കും.
ഇതൊരു താൽക്കാലിക അവസ്ഥയാണെന്ന് ഓർക്കുക: ഈ ഭയം വൈകാതെ കടന്നുപോകുമെന്നും, ഇത് ശാരീരികമായി അപകടമുണ്ടാക്കില്ലെന്നും മനസ്സിനെ ഓർമ്മിപ്പിക്കുക.
ദീർഘമായി ശ്വാസമെടുക്കുക: സാവധാനം വയറുനിറയെ ശ്വാസമെടുത്ത് പുറത്തേക്ക് വിടുക. 4-7-8 ബ്രീത്തിങ് രീതി പരീക്ഷിക്കുന്നത് വളരെ നല്ലതാണ്.
ശാന്തമായ സ്ഥലം കണ്ടെത്തുക: തിരക്കുകളിൽ നിന്ന് മാറി, വെളിച്ചവും ശബ്ദവും കുറഞ്ഞ ശാന്തമായ ഒരു ഇടത്തേക്ക് മാറുക.
ഒരു വസ്തുവിൽ മാത്രം ശ്രദ്ധ കേന്ദ്രീകരിക്കുക: ചുറ്റുപാടുമുള്ള ഏതെങ്കിലും ഒരു ചെറിയ വസ്തുവിൽ (ഉദാഹരണത്തിന്, ഒരു കല്ല്, പേന) ശ്രദ്ധ നൽകുന്നത് മാനസിക പിരിമുറുക്കം കുറയ്ക്കും.
5-4-3-2-1 രീതി പരീക്ഷിക്കുക: കാണാൻ കഴിയുന്ന 5 കാര്യങ്ങൾ, കേൾക്കാൻ കഴിയുന്ന 4 ശബ്ദങ്ങൾ, തൊടാൻ കഴിയുന്ന 3 വസ്തുക്കൾ, മണക്കാൻ കഴിയുന്ന 2 കാര്യങ്ങൾ, രുചിക്കാൻ കഴിയുന്ന 1 കാര്യം എന്നിവയിൽ ശ്രദ്ധ നൽകുക.
പോസിറ്റീവായ വാക്കുകൾ ആവർത്തിക്കുക: "ഇതും കടന്നുപോകും" എന്നത് പോലെയുള്ള പോസിറ്റീവ് വാക്കുകൾ മനസ്സിൽ ആവർത്തിച്ച് പറയുക.
നടക്കുകയോ ലഘുവായ വ്യായാമം ചെയ്യുകയോ ചെയ്യുക: അല്പനേരം നടക്കുന്നത് ശരീരത്തിൽ എൻഡോർഫിനുകൾ ഉത്പാദിപ്പിക്കാനും ശ്വാസോച്ഛ്വാസം സാധാരണഗതിയിലാക്കാനും സഹായിക്കും.
നിർദ്ദേശിക്കപ്പെട്ട മരുന്നുകൾ കഴിക്കുക: ഡോക്ടർ മുൻകൂട്ടി എന്തെങ്കിലും മരുന്നുകൾ നിർദ്ദേശിച്ചിട്ടുണ്ടെങ്കിൽ അത് കൃത്യസമയത്ത് കഴിക്കുക.
ആരെയെങ്കിലും അറിയിക്കുക: നിങ്ങൾക്ക് പാനിക്ക് അറ്റാക്ക് ഉണ്ടാകുന്നുണ്ടെന്ന് കൂടെയുള്ള വിശ്വാസയോഗ്യരായ ആരോടെങ്കിലും പറയുക. അവരുടെ സാന്നിധ്യം ആശ്വാസം നൽകും.
നിങ്ങളുടെ ട്രിഗറുകൾ തിരിച്ചറിയുക: ഏത് സാഹചര്യത്തിലാണ് നിങ്ങൾക്ക് പാനിക് അറ്റാക്ക് ഉണ്ടാകുന്നതെന്ന് കണ്ടെത്തി, അവ പരമാവധി ഒഴിവാക്കാൻ ശ്രമിക്കുക.