കേരളത്തിലെ മിടുക്കരായ വിദ്യാർത്ഥികൾക്ക് പ്രമുഖ സാങ്കേതിക വിദ്യാഭ്യാസ സ്ഥാപനങ്ങളായ ഐ.ഐ.ടി (IIT), എൻ.ഐ.ടി (NIT) എന്നിവിടങ്ങളിൽ പ്രവേശനം ഉറപ്പാക്കുക എന്ന ലക്ഷ്യത്തോടെ എജ്യുപോർട്ട് ലേണിംഗ് പുതിയ പദ്ധതി പ്രഖ്യാപിച്ചു. 2026-27 അധ്യയന വർഷത്തേക്കുള്ള 'ജെ.ഇ.ഇ റിപ്പീറ്റർ സൂപ്പർ 30 ഐ.ഐ.ടി' ബാച്ചിന്റെ ലോഞ്ചിംഗ് ചടങ്ങ് നടന്നു. തിരഞ്ഞെടുക്കപ്പെടുന്ന വിദ്യാർത്ഥികൾക്ക് മികച്ച പരിശീലനം നൽകി ഉയർന്ന റാങ്കുകളിലേക്ക് എത്തിക്കുകയാണ് ഈ പദ്ധതിയിലൂടെ എജ്യുപോർട്ട് ലക്ഷ്യമിടുന്നത്.
അർഹരായ വിദ്യാർത്ഥികൾക്ക് തികച്ചും സൗജന്യമായാണ് 'സൂപ്പർ 30 ' ബാച്ചിൽ പരിശീലനം നൽകുന്നതെന്ന് എജ്യുപോർട്ട് സി.ഇ.ഒ അജാസ് മുഹമ്മദ് അറിയിച്ചു. ഐ.ഐ.ടി, എൻ.ഐ.ടി എന്നിവിടങ്ങളിൽ നിന്നും പഠിച്ചിറങ്ങിയ പൂർവ്വ വിദ്യാർത്ഥികളാണ് ബാച്ചിനെ നയിക്കുന്നത്. സാമ്പത്തിക പ്രയാസങ്ങൾ അനുഭവിക്കുന്ന സാധാരണ വിദ്യാർത്ഥികൾക്ക് ദേശീയതലത്തിലുള്ള മത്സരപരീക്ഷകളിൽ മികച്ച പ്രകടനം കാഴ്ചവെക്കാൻ ഈ അവസരം വലിയ സഹായമാകുമെന്ന് അദ്ദേഹം കൂട്ടിച്ചേർത്തു.
സംസ്ഥാനത്തുടനീളം എജ്യുപോർട്ട് നടത്തുന്ന പ്രത്യേക എൻട്രൻസ് ടാലന്റ് സെർച്ച് പരീക്ഷയിലൂടെയാണ് സൂപ്പർ 30 ബാച്ചിലേക്കുള്ള വിദ്യാർത്ഥികളെ കണ്ടെത്തുന്നത്. ഏറ്റവും ഉയർന്ന സ്കോർ നേടുന്ന 30 പേർക്ക് മാത്രമായിരിക്കും ഈ ബാച്ചിൽ പ്രവേശനം ലഭിക്കുക. കഴിഞ്ഞ വർഷങ്ങളിൽ ജെ.ഇ.ഇ പരീക്ഷയിൽ കേരളത്തിൽ നിന്നുള്ള മികച്ച വിജയികളെ സൃഷ്ടിക്കാൻ എജ്യുപോർട്ടിന് സാധിച്ചിരുന്നു. 2025-ലെ ഫലങ്ങളിലും ശ്രദ്ധേയമായ നേട്ടങ്ങളാണ് സ്ഥാപനം കരസ്ഥമാക്കിയത്.
English Summary: Eduport Learning has launched its JEE Repeater Super 30 IIT Batch for 2026–27 to identify talented students across Kerala and provide free IIT-JEE coaching. The batch, led by IIT and NIT alumni, will select students through a special entrance test conducted statewide.