'ഏറ്റവും ഫേക്ക് സിനിമ, ഏറ്റവും നല്ല സിനിമയായി!'

മലയാള ചലച്ചിത്ര ഛായാഗ്രാഹകനും സിനിമ സംവിധായകനും ആണ് സുജിത്ത് വാസുദേവ്. ദൃശ്യം, സെവെൻത്ത് ഡേ, മെമ്മറീസ്, അയാൾ, അനാർക്കലി, എസ്ര, ലൂസിഫർ, എൽ2: എമ്പുരാൻ തുടങ്ങിയ ഹിറ്റ് സിനിമകളുടെ ഛായാഗ്രാഹകൻ സുജിത്താണ്. 2013-ൽ മികച്ച ഛായാഗ്രാഹകനുള്ള കേരള സംസ്ഥാന ചലച്ചിത്ര അവാർഡും അദ്ദേഹത്തിന് ലഭിച്ചിട്ടുണ്ട്. പൃഥ്വിരാജ്, വേദിക എന്നിവരെ കേന്ദ്രകഥാപാത്രങ്ങളാക്കി 2016ൽ പുറത്തിറങ്ങിയ ചിത്രമായ ജെയിംസ് ആൻഡ് ആലീസ് സംവിധാനം ചെയ്ത് സംവിധാനരം​ഗത്തേക്കും സുജിത്ത് കടന്നു.

മാഡിസം ഡിജിറ്റലിന് നൽകിയ അഭിമുഖത്തിൽ, സിനിമ എന്ന തന്റെ ലഹരി, മലയാള സിനിമയിലെ മാറി വരുന്ന കാഴ്ച്ചകൾ, പിന്നെ സിനിമയിലെ പ്രിയപ്പെട്ട ഓർമകൾ. പ്രിഥ്വിരാജ് എന്ന നടനും സംവിധായകനുമായുള്ള സാഹോദര്യം, വേണ്ടത്ര അം​ഗീകാരം ലഭിക്കാതെ പോയ തന്റെ സിനിമകൾ, പിന്നെ ദേശീയ അവാർഡുകളിൽ കാണുന്ന നീതികേട്, തുടങ്ങി വിഷയങ്ങളെ കുറിച്ച് സുജിത്ത് വാസുദേവ് സംസാരിക്കുന്നുണ്ട്.