മലയാള സിനിമയില് നിന്ന് പാന് ഇന്ത്യന് സിനിമാ ലോകത്തിന്റെ നെറുകയിലേക്ക് ഉയര്ന്ന മമിത ബൈജുവിന് ബോക്സ് ഓഫീസില് അപൂര്വ്വ നേട്ടം. ഒരു വര്ഷത്തില് 200 കോടി രൂപയിലധികം കളക്ഷന് നേടിയ മൂന്ന് ചിത്രങ്ങളുടെ ഭാഗമാകുന്ന മൂന്നാമത്തെ ഇന്ത്യന് നായികയെന്ന ബഹുമതിയാണ് താരം സ്വന്തമാക്കിയിരിക്കുന്നത്. ഇതിനുമുമ്പ് ബോളിവുഡ് നായികമാരായ ദീപിക പദുക്കോണും ആലിയ ഭട്ടുമാണ് ഈ നേട്ടം കൈവരിച്ചിട്ടുള്ളത്. വെറും 23 ദിവസങ്ങളുടെ വ്യത്യാസത്തിലാണ് മമിതയുടെ ഈ മൂന്ന് ചിത്രങ്ങളും തിയറ്ററുകളിലെത്തിയത് എന്നതാണ് ഇതിന്റെ പ്രധാന സവിശേഷത.
ജൂലൈ 23-ന് റിലീസ് ചെയ്ത ദളപതി വിജയ് ചിത്രമായ 'ജനനായകനി'ലൂടെയാണ് ഈ വിജയക്കുതിപ്പിന് തുടക്കമായത്. ആഗോളതലത്തില് 324.38 കോടി രൂപ വാരിയ ചിത്രം ഈ വര്ഷത്തെ ഏറ്റവും കൂടുതല് കളക്ഷന് നേടിയ തമിഴ് സിനിമയെന്ന റെക്കോര്ഡും സ്വന്തമാക്കി. സ്വാതന്ത്ര്യദിന വാരാന്ത്യത്തില് റിലീസ് ചെയ്ത സൂര്യ ചിത്രം വിശ്വനാഥ് ആന്റ് സണ്സ് ഇതുവരെ 203.26 കോടി രൂപ നേടിയിട്ടുണ്ട്. തിയറ്റര് റണ് പൂര്ത്തിയാകുമ്പോഴേക്കും ചിത്രം 210 കോടി പിന്നിടുമെന്നാണ് വിലയിരുത്തല്. നിവിന് പോളി നായകനായെത്തിയ ഓണം റിലീസ് ചിത്രം 'ബെത്ലഹേം കുടുംബ യൂണിറ്റി'ലൂടെ മമിത ഹാട്രിക് നേട്ടം പൂര്ത്തിയാക്കി. നിലവില് 238.05 കോടി രൂപ നേടിയ ഈ ചിത്രം വൈകാതെ 250 കോടി ക്ലബ്ബില് ഇടംനേടും.
2013-ല് ദീപിക പദുകോണ് അഭിനയിച്ച ചിത്രങ്ങളില് 'യേ ജവാനി ഹേ ദിവാനി' (318 കോടി), 'ചെന്നൈ എക്സ്പ്രസ്' (310 കോടി), 'ഗോലിയോം കി രാസലീല രാം-ലീല' (218.07 കോടി) എന്നീ മൂന്ന് ചിത്രങ്ങളാണ് 200 കോടി ക്ലബ്ബില് കടന്നത്. 2022-ല് ആലിയ ഭട്ട് അഭിനയിച്ച 'ഗംഗുഭായ് കഠിയാവാഡി' (211.50 കോടി), 'ആര്ആര്ആര്' (1230 കോടി), 'ബ്രഹ്മാസ്ത്ര പാര്ട്ട് വണ്: ശിവ' (431 കോടി) എന്നീ ചിത്രങ്ങളും ഈ വന് നേട്ടം കൈവരിച്ചു. ഈ ക്ലബിലേക്കാണിപ്പോള് മമിതയും എത്തിയിരിക്കുന്നത്. ദീപികയുടെയും ആലിയയുടെയും ചിത്രങ്ങള്ക്ക് വടക്കേ ഇന്ത്യയിലുടനീളം വലിയ വിപണി ഉണ്ടായിരുന്നുവെങ്കില്, മമിതയുടെ ചിത്രങ്ങള് അതത് സംസ്ഥാനങ്ങളിലെ പ്രധാന വിപണികളില് നിന്ന് മാത്രമാണ് ഈ വന് തുക നേടിയെടുത്തത്.
'ജനനായകന്', 'വിശ്വനാഥ് ആന്റ് സണ്സ്' എന്നീ ചിത്രങ്ങള് പ്രധാനമായും തമിഴ്നാട്ടില് നിന്നും 'ബെത്ലഹേം കുടുംബ യൂണിറ്റ്' കേരളത്തില് നിന്നുമാണ് ഈ നേട്ടം കൈവരിച്ചത്. ഈ ചിത്രങ്ങള്ക്ക് വടക്കേ ഇന്ത്യന് സംസ്ഥാനങ്ങളില് നിന്നുള്ള സംഭാവന വളരെ കുറവായിരുന്നു. വളരെ ചുരുങ്ങിയ സമയത്തിനുള്ളിലും പ്രാദേശിക തലത്തിലും നേടിയ ഈ വന് വിജയം മമിതയുടെ കരിയറിലെ സവിശേഷമായ ഒരു നാഴികക്കല്ലാണ്.
Malayalam actor Mamitha Baiju has achieved a rare box-office milestone by becoming the third Indian actress, after Deepika Padukone and Alia Bhatt, to be part of three films that crossed the ₹200-crore mark in a single year. Mamitha’s three films—Jana Nayakan, Viswanath & Sons and Bethlehem Family Unit—achieved the milestone within just 23 days of each other. Jana Nayakan, starring Thalapathy Vijay, has reportedly grossed ₹324.38 crore worldwide, while Suriya’s Viswanath & Sons has crossed ₹203 crore. Nivin Pauly-starrer Bethlehem Family Unit has collected ₹238.05 crore and is expected to enter the ₹250-crore club. Unlike Deepika and Alia, whose films had major markets across North India, Mamitha’s films achieved their success primarily through strong regional markets in Tamil Nadu and Kerala, making the feat particularly significant for the young Malayalam actor