ഐസിസി ലോക ടെസ്റ്റ് ചാമ്പ്യൻഷിപ്പിൽ ഓസ്ട്രേലിയക്കെതിരെ ബംഗ്ലാദേശിന് ചരിത്ര വിജയം. ഡാർവിനിൽ നടന്ന മത്സരത്തിൽ നിലവിലെ ലോക ടെസ്റ്റ് ചാമ്പ്യന്മാരായ ഓസ്ട്രേലിയയെ 9 വിക്കറ്റിനാണ് ബംഗ്ലാദേശ് പരാജയപ്പെടുത്തിയത്. ഓസ്ട്രേലിയൻ മണ്ണിൽ ടെസ്റ്റ് ക്രിക്കറ്റിൽ ബംഗ്ലാദേശ നേടുന്ന ആദ്യ വിയജമാണിത്. ഇതോടെ ലോക ടെസ്റ്റ് ചാമ്പ്യൻഷിപ്പ് പോയിന്റ് ടേബിളിൽ 66.67 ശതമാനം പോയിന്റോടെ ബംഗ്ലാദേശ് നാലാം സ്ഥാനത്തേക്ക് മുന്നേറി.
ടോസ് നേടി ആദ്യം ബാറ്റിങിനിറങ്ങിയ ഓസ്ട്രേലിയ ഒന്നാം ഇന്നിങ്സിൽ 198 റൺസിന് പുറത്തായി. ആറ് വിക്കറ്റ് നേടിയ ഹസൻ മഹ്മൂദാണ് ഓസ്ട്രേലിയൻ ബാറ്റിങ് നിരയെ തകർത്തത്. മുൻനിര ബാറ്റർമാർ പതറിയപ്പോൾ സ്റ്റീവ് സ്മിത്താണ് അൽപ്പമെങ്കിലും പൊരുതി നോക്കിയത്. മറുപടി ബാറ്റിംഗിനിറങ്ങിയ ബംഗ്ലാദേശ്, ഓപ്പണർ തൻസിദ് ഹസന്റെ മികച്ച സെഞ്ചുറിയുടെയും (101), ക്യാപ്റ്റൻ നജ്മുൽ ഹൊസൈൻ ഷാന്റോ (84), മെഹിദി ഹസൻ മിറാസ് (65) എന്നിവരുടെ മികച്ച പ്രകടനങ്ങളുടെയും പിൻബലത്തിൽ ഒന്നാം ഇന്നിങ്സിൽ 426 റൺസ് നേടി. ഓസ്ട്രേലിയക്ക് വേണ്ടി ജോഷ് ഹേസൽവുഡ് 6 വിക്കറ്റുകൾ വീഴ്ത്തി.
228 റൺസിന്റെ കൂറ്റൻ ലീഡ് വഴങ്ങി രണ്ടാം ഇന്നിങ്സിനിറങ്ങിയ ഓസ്ട്രേലിയ 284 റൺസിന് ഓൾഔട്ടായി. കാമറൂൺ ഗ്രീൻ (104) പൊരുതി സെഞ്ചുറി നേടിയെങ്കിലും, 5 വിക്കറ്റെടുത്ത മെഹിദി ഹസൻ മിറാസിന്റെ ബോളിങ് പ്രകടനം ബംഗ്ലാദേശിന് മുൻതൂക്കം നൽകി. തുടർന്ന്, 57 റൺസ് എന്ന ചെറിയ വിജയലക്ഷ്യവുമായി ഇറങ്ങിയ ബംഗ്ലാദേശ് കേവലം ഒരു വിക്കറ്റ് മാത്രം നഷ്ടപ്പെടുത്തി ചരിത്ര വിജയം സ്വന്തമാക്കി. ഏത് ഫോർമാറ്റിലായാലും ബംഗ്ലാദേശ് ക്രിക്കറ്റ് ചരിത്രത്തിലെ തന്നെ ഏറ്റവും വലിയ വിജയമാണിതെന്ന് ക്യാപ്റ്റൻ നജ്മുൽ ഹൊസൈൻ ഷാന്റോ മത്സരശേഷം പ്രതികരിച്ചു.
Bangladesh registered a historic first-ever Test victory on Australian soil, defeating the current World Test Champions by nine wickets in Darwin. Pacer Hasan Mahmud set the tone with a brilliant 6/55 in the first innings, restricting Australia to 198. Bangladesh replied with a massive 426, powered by opener Tanzid Hasan's century (101) and crucial knocks from skipper Najmul Hossain Shanto (84) and Mehidy Hasan Miraz (65). Despite Cameron Green's second-innings century, Mehidy's five-wicket haul bowled Australia out for 284. Chasing a mere 57, Bangladesh cruised to a 9-wicket victory, propelling them to the fourth spot in the World Test Championship (WTC) standings.