ലോക കോടീശ്വരനും ടെസ്ല സിഇഒയുമായ ഇലോൺ മസ്കിനെ പോലൊരാൾ നിങ്ങൾക്ക് ഭക്ഷണം വിളമ്പാൻ എത്തിയാൽ എങ്ങനെയിരിക്കും? ചൈനയിലെ ഒരു ബാർബിക്യൂ റെസ്റ്റോറന്റിൽ എത്തുന്നവർക്ക് ഇപ്പോൾ അങ്ങനെയൊരു കൗതുകകരമായ അനുഭവമാണ് ലഭിക്കുന്നത്. ഇലോൺ മസ്കുമായുള്ള അമ്പരപ്പിക്കുന്ന രൂപസാദൃശ്യം കാരണം ചൈനീസ് ഷെഫായ ആണ് ഇപ്പോൾ സോഷ്യൽ മീഡിയയിലെ പുതിയ താരം.
ചൈനയിലെ ഷാൻസി പ്രവിശ്യയിലുള്ള തോങ്ചുവാനിലെ 'യിലാൻ' (Yilan) റെസ്റ്റോറന്റിന്റെ സഹഉടമയായ 48-കാരനായ മാ ജിയാൻപിങ് ആണ് തന്റെ രൂപസാദൃശ്യം കൊണ്ട് ഇന്റർനെറ്റ് ലോകത്തെ അമ്പരപ്പിച്ചിരിക്കുന്നത്. ഇദ്ദേഹത്തെ 'ഒറിജിനൽ മസ്കിനേക്കാൾ സ്മാർട്ട്' എന്നാണ് പലരും വിശേഷിപ്പിക്കുന്നത്. ജൂലൈ 26-ന് ചൈനീസ് ടിക് ടോക്കായ 'ഡൊയിനിൽ' ഇദ്ദേഹത്തിന്റെ ഒരു വീഡിയോ വൈറലായതോടെയാണ് ഈ സംഭവം പുറംലോകമറിയുന്നത്. 1.3 ദശലക്ഷത്തിലധികം പേരാണ് ഈ വീഡിയോ ലൈക്ക് ചെയ്തത്. അദ്ദേഹത്തിന്റെ കുടുംബപ്പേരായ "മാ" (Ma) ചൈനീസ് ഭാഷയിൽ ഇലോൺ മസ്കിന്റെ പേരിന്റെ ആദ്യഭാഗം ഉച്ചരിക്കുന്നതുപോലെ തന്നെയാണെന്നതും ആളുകളിൽ കൗതുകമുണർത്തിയിട്ടുണ്ട്.
വീഡിയോ വൈറലായതോടെ മാ ജിയാൻപിങ്ങിനെ നേരിട്ട് കാണാനും, കൈ കൊടുക്കാനും, ഒപ്പം നിന്ന് ഫോട്ടോ എടുക്കാനുമായി നിരവധിയാളുകളാണ് ദിവസവും റെസ്റ്റോറന്റിലേക്ക് ഒഴുകിയെത്തുന്നത്. പെട്ടെന്നുണ്ടായ ഈ ജനപ്രീതി കാരണം റെസ്റ്റോറന്റിലെ കച്ചവടം ഇരട്ടിയായതായി മാ ജിയാൻപിങ് പറയുന്നു.
മുൻപ് ഒരു ഇലക്ട്രീഷ്യനായി ജോലി ചെയ്തിരുന്ന മാ ജിയാൻപിങ് പിന്നീട് റെസ്റ്റോറന്റ് ബിസിനസിലേക്ക് തിരിയുകയായിരുന്നു. പെട്ടെന്നുണ്ടായ ഈ പ്രശസ്തിയിൽ താൻ ലജ്ജിതനും പരിഭ്രാന്തനുമാണെന്നാണ് അദ്ദേഹം ചൈനീസ് മാധ്യമങ്ങളോട് പ്രതികരിച്ചത്.
എന്നാൽ, നിരവധി ബിസിനസ്സ് ഓഫറുകൾ ലഭിക്കുന്നുണ്ടെങ്കിലും ലൈവ് സ്ട്രീമർ ആകാനൊന്നും തനിക്ക് താല്പര്യമില്ലെന്നും അദ്ദേഹം വ്യക്തമാക്കി. രാവിലെ 9 മണി മുതൽ അർദ്ധരാത്രി വരെ റെസ്റ്റോറന്റിലെ തിരക്കുകളിൽ തന്നെ മുഴുകാനാണ് ഈ 48-കാരന് കൂടുതൽ താല്പര്യം. മാത്രമല്ല, തിരക്കും പ്രശസ്തിയും വർധിച്ചിട്ടും റെസ്റ്റോറന്റിലെ ഭക്ഷണങ്ങൾക്ക് വില വർധിപ്പിക്കാൻ അദ്ദേഹം തയ്യാറായിട്ടില്ല. ഈ തീരുമാനത്തിന് ഉപഭോക്താക്കളിൽ നിന്നും വലിയ അഭിനന്ദനമാണ് ലഭിക്കുന്നത്.
അതിനിടെ, മസ്കിനെപ്പോലെ സ്യൂട്ട് ധരിച്ച മാ ജിയാൻപിങ്ങിന്റെ എഐ ചിത്രങ്ങളും മീമുകളും സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. "സമ്പത്ത് കുത്തനെ കുറഞ്ഞതോടെ മസ്ക് ഓവർടൈം ജോലി ചെയ്യുകയാണോ" എന്നൊക്കെയുള്ള രസകരമായ കമന്റുകളാണ് വീഡിയോയ്ക്ക് ലഭിക്കുന്നത്.
അതേസമയം, സമൂഹമാധ്യമങ്ങളിൽ ഈ ഷെഫ് ഇതിനോടകം തന്നെ വലിയ ചർച്ചയായിക്കഴിഞ്ഞു. റെസ്റ്റോറന്റിന്റെ പേര് മാറ്റി "സ്പേസ് എക്സ് ബാർബിക്യൂ" (Space X Barbecue) എന്നാക്കണമെന്നാണ് ചിലർ തമാശയായി പറയുന്നത്.
Ma Jianping, a 48-year-old barbecue restaurant co-owner in northwest China, has become an internet sensation after netizens noticed his uncanny resemblance to billionaire Elon Musk.
A video of him serving food at his eatery, Yilan Restaurant in Shaanxi province, recently went viral on Douyin (China's version of TikTok), racking up over 1.3 million likes. The sudden fame has doubled business at the restaurant, with eager crowds flocking to meet him, shake his hand, and take pictures. Netizens have also pointed out the amusing coincidence that his surname, "Ma," sounds similar to the first syllable of Musk's name in Chinese.