പിഎസ്സി പരീക്ഷാത്തട്ടിപ്പ് സംബന്ധിച്ച വിവാദത്തില്‍ സംസ്ഥാനത്ത് വിവാദം കനക്കുന്നു. ചെയര്മാന് എം.ആര്‍. ബൈജുവിനെ പ്രതിചേര്‍ക്കാനുള്ള സാധ്യത ശക്തമാകുന്നതിനിടെ സര്‍ക്കാരിനെതിരെ കേന്ദ്രത്തില്‍ നിന്നും സമ്മര്‍ദം ശക്തമാക്കാനുള്ള നീക്കമാണ് ബിജെപി നേതൃത്വം നടത്തുന്നത്.
ആസൂത്രണ ബോര്‍ഡ് പരീക്ഷാ തട്ടിപ്പുമായി ബന്ധപ്പെട്ട് അറസ്റ്റിലായ അഡീഷണല്‍ സെക്രട്ടറി ആര്‍. ഹരി, ഡെപ്യൂട്ടി സെക്രട്ടറിയായിരുന്ന സതീഷിനെ കുറ്റപ്പെടുത്തി മൊഴി നല്‍കിയെന്നാണ് പുറത്തുവരുന്ന വിവരം. ഇതാണ് ചെയര്മാന് എം.ആര്‍. ബൈജുവിലേക്ക് ക്രൈംബ്രാഞ്ചിനെ എത്തിക്കുന്നത്. എന്നാല്‍ മൊഴികളില്‍ നിയമോപദേശം തേടിയ ശേഷമായിരിക്കും ക്രൈംബ്രാഞ്ച് ഇക്കാര്യത്തില്‍ അന്തിമ തീരുമാനമെടുക്കുക.
ചോദ്യം ചെയ്യലിന് വീണ്ടും ഹാജരാകണമെന്ന് ആവശ്യപ്പെട്ട് ചെയര്മാന് ക്രൈംബ്രാഞ്ച് നോട്ടീസ് നല്‍കും. ഇതിന് ശേഷമായിരിക്കും നിയമോപദേശം തേടി ചെയര്‍മാനെ പ്രതിപ്പട്ടികയില്‍ ഉള്‍പ്പെടുത്തുന്ന കാര്യത്തില്‍ അന്തിമ തീരുമാനമെടുക്കുക.
അതിനിടെ, കേരളത്തിലെ പി.എസ്.സി. ക്രമക്കേടുകളുമായി ബന്ധപ്പെട്ട് കേരളത്തില്‍നിന്നുള്ള ബി.ജെ.പി. പ്രതിനിധിസംഘം രാഷ്ട്രപതി ദ്രൗപദി മുര്‍മുവിനെ കണ്ട് നിവേദനം നല്‍കി. ചെയര്‍മാനെയും അംഗങ്ങളെയും പിരിച്ചുവിടണമെന്നാണ് ബിജെപി നേതൃത്വത്തിന്റെ ആവശ്യം. മുന്‍ ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കര്‍ നല്‍കിയ ശുപാര്‍ശയില്‍ തുടര്‍നടപടികള്‍ സ്വീകരിക്കണമെന്നും വിഷയം സുപ്രീംകോടതിയുടെ പരിഗണനയ്ക്ക് വിടണമെന്നും അഭ്യര്‍ഥിച്ചാണ് ബി.ജെ.പി. സംഘം രാഷ്ട്രപതിയെ കണ്ടത്. ക്രമക്കേടുകള്‍ സംബന്ധിച്ച ആരോപണങ്ങളുടെയും പ്രാഥമികാന്വേഷണങ്ങളുടെയും അടിസ്ഥാനത്തില്‍ നടപടിയെടുക്കണം എന്നും ബിജെപി നേതൃത്വം ആവശ്യപ്പെടുന്നു.
The controversy surrounding the alleged PSC examination malpractice in Kerala is intensifying. As the possibility of Kerala PSC Chairman M. R. Baiju being named as an accused reportedly gains attention, the BJP leadership is planning to increase pressure on the state government by taking up the issue at the Centre.