വേ​ടന് തിരിച്ചടി; പിടിച്ചെടുത്തത് യഥാർത്ഥ പുലിപ്പല്ല്, ചുമത്തിയത് മൂന്ന് വർഷം തടവ് ലഭിക്കാവുന്ന വകുപ്പ്

കൊച്ചി: പുല്ലിപ്പല്ല് കേസിൽ റാപ്പറും ​ഗാനരചയിതാവുമായ വേ​ടന് തിരിച്ചടി. വേടന്റെ പക്കൽനിന്നും പിടിച്ചെടുത്തത് യഥാർത്ഥ പുലിപ്പല്ല് തന്നെയാണെന്ന് സ്ഥിരീകരിച്ചു. കൊൽക്കത്തയിലെ സുവോളജി ലാബിൽ നടത്തിയ ശാസ്ത്രീയ പരിശോധനയിലാണ് ഇക്കാര്യം വ്യക്തമായിരിക്കുന്നത്.

ഇതോടെ കേസിൽ കുറ്റപത്രം സമർപ്പിക്കുന്നത് വേ​ഗത്തിലാക്കാൻ അന്വേഷണ സംഘത്തിന് സാധിക്കും. നിലവിൽ മൂന്ന് വർഷം വരെ തടവ് ശിക്ഷ ലഭിച്ചേക്കാവുന്ന വകുപ്പുകളാണ് വേ​ടനെതിരെ ചുമത്തിയിരിക്കുന്നത്.

തൃപ്പൂണിത്തുറയിലെ താമസ സ്ഥലത്തുനിന്നാണ് റാപ്പർ വേ​ടനെ പൊലീസ് അറസ്റ്റ് ചെയ്യുന്നത്. ചെറിയ അളവിൽ കഞ്ചാവും 9.5 ലക്ഷം രൂപയും അന്ന് വേടന്റെ ഫ്ലാറ്റിൽനിന്നും കണ്ടെടുത്തിരുന്നു. കഞ്ചാവ് കേസിൽ ചോദ്യം ചെയ്യൽ പുരോ​ഗമിക്കുന്നതിനിടെയാണ് കഴുത്തിലണിഞ്ഞിരുന്ന മാലയും ലോക്കറ്റുമായി ബന്ധപ്പെട്ട വിവാദങ്ങളും ആരംഭിക്കുന്നത്. പുലിപ്പല്ല് വിദേശത്തുനിന്ന് സുഹൃത്ത് സമ്മാനമായി നൽകിയതാണെന്നും ഒറിജിനലാണോയെന്ന് അറിയില്ലെന്നുമായിരുന്നു അന്ന് വേടൻ പൊലീസിന് നൽകിയ മൊഴി. പുലിപ്പല്ല് ശാസ്ത്രീയമാണോയെന്ന് തെളിയുന്നതിന് മുൻപ് തിടുക്കപ്പെട്ട് അറസ്റ്റ് എന്തിനായിരുന്നുവെന്ന് ജാമ്യാപേക്ഷ പരി​ഗണിച്ച കോടതി പൊലീസിനോട് ചോദിച്ചിരുന്നു.

English Summary: Rapper and lyricist Vedan has suffered a major setback in the tiger tooth case after scientific examination confirmed that the seized item was a genuine tiger fang. The report from the zoology laboratory in Kolkata is expected to speed up the filing of the chargesheet, with serious wildlife protection charges already invoked against him.