സിനിമ ചെയ്യാൻ താരങ്ങളുടെ ഡേറ്റ് തേടേണ്ട, വലിയ ബജറ്റിന് പിന്നാലെ പോകേണ്ട. സാങ്കേതികവിദ്യ കുറച്ചുകൂടി വളർന്നാൽ സ്വന്തം മേശയിലിരുന്ന് മൂന്ന് മാസം കൊണ്ട് ഒരു സിനിമ പൂർത്തിയാക്കാൻ കഴിയുമെന്നാണ് നടൻ അരവിന്ദ് സ്വാമിയുടെ വാക്കുകൾ. എഐ ഉപയോഗിച്ചുള്ള സിനിമാ നിർമ്മാണത്തിന്റെ സാധ്യതകളെക്കുറിച്ച് ഗോബിനാഥിന്റെ പോഡ്കാസ്റ്റിൽ സംസാരിക്കുകയായിരുന്നു അദ്ദേഹം. ഇതിനായി സംവിധാനം ചെയ്യാൻ ഉദ്ദേശിക്കുന്ന നാലഞ്ച് സ്ക്രിപ്റ്റുകൾ തയ്യാറാക്കി വച്ചിട്ടുണ്ടെന്നും താരം വ്യക്തമാക്കി.
അഭിനയിക്കാനല്ല, സംവിധാനം ചെയ്യാനാണ് ഈ കഥകൾ ഒരുക്കിയിരിക്കുന്നതെന്ന് അരവിന്ദ് സ്വാമി പറഞ്ഞു. പരമ്പരാഗത സിനിമാ നിർമ്മാണത്തിൽ ആവശ്യമായി വരുന്ന താരങ്ങളുടെ ഡേറ്റുകൾ, വലിയ സാമ്പത്തിക നിക്ഷേപം, നിരവധി ആളുകളുടെ സഹകരണം തുടങ്ങിയ ഘടകങ്ങളിൽ ആശ്രയിക്കാതെ സ്വന്തം ആശയത്തെ ദൃശ്യരൂപത്തിലേക്ക് മാറ്റാൻ എഐ സഹായിക്കുന്ന കാലം വരുമെന്നാണ് അദ്ദേഹത്തിന്റെ വിലയിരുത്തൽ.
ഒരു മേശയ്ക്ക് മുന്നിലിരുന്നുകൊണ്ട് തന്നെ കഥാപാത്രങ്ങളെ സൃഷ്ടിക്കുകയും അവയ്ക്ക് വിശ്വാസയോഗ്യമായ രൂപം നൽകുകയും കഥ നടക്കുന്ന അന്തരീക്ഷം ഒരുക്കുകയും ചെയ്യാൻ സാധിക്കുന്ന തരത്തിലേക്ക് സാങ്കേതികവിദ്യ എത്തുകയാണെന്ന് അദ്ദേഹം ചൂണ്ടിക്കാട്ടി. യഥാർത്ഥ ലൊക്കേഷനിൽ ചിത്രീകരിച്ചതാണോ മുറിക്കുള്ളിൽ നിന്ന് സൃഷ്ടിച്ചതാണോ എന്ന് തിരിച്ചറിയാൻ കഴിയാത്ത തരത്തിലുള്ള ദൃശ്യങ്ങൾ ഇപ്പോൾ തന്നെ നിർമ്മിക്കാനാകുന്നുണ്ടെന്നും അരവിന്ദ് സ്വാമി അഭിപ്രായപ്പെട്ടു.
എന്നാൽ നിലവിലെ AI സാങ്കേതികവിദ്യയ്ക്ക് പരിധികളുണ്ടെന്നും അദ്ദേഹം ചൂണ്ടിക്കാട്ടുന്നു. എട്ട് മുതൽ പന്ത്രണ്ട് സെക്കൻഡ് വരെയുള്ള ദൃശ്യങ്ങൾ പോലുള്ള പരിമിതമായ ഭാഗങ്ങളാണ് ഇപ്പോഴത്തെ സാഹചര്യത്തിൽ കൂടുതൽ എളുപ്പത്തിൽ സാധ്യമാകുന്നത്. ഭാവിയിൽ ഈ ശേഷി വലിയ തോതിൽ വികസിക്കുമെന്നാണ് അദ്ദേഹത്തിന്റെ പ്രതീക്ഷ.
AIയെക്കുറിച്ചുള്ള തന്റെ താൽപര്യം സിനിമയിൽ മാത്രം ഒതുങ്ങുന്നതല്ലെന്നും അരവിന്ദ് സ്വാമി വ്യക്തമാക്കിയിട്ടുണ്ട്. സാങ്കേതികവിദ്യയുടെ വളർച്ചയെക്കുറിച്ച് പഠിക്കുകയും AI അടിസ്ഥാനമാക്കിയുള്ള വിവിധ സംവിധാനങ്ങളിൽ പ്രവർത്തിക്കുകയും ചെയ്യുന്നുണ്ടെന്ന് അദ്ദേഹം മറ്റൊരു സംഭാഷണത്തിൽ പറഞ്ഞു. കഴിഞ്ഞ ഏതാനും വർഷങ്ങളായി ഇതുമായി ബന്ധപ്പെട്ട പ്ലാറ്റ്ഫോമുകളുടെ വികസനത്തിൽ ശ്രദ്ധ ചെലുത്തിയതായും വ്യക്തമാക്കി.
അദ്ദേഹത്തിന്റെ കാഴ്ചപ്പാടിൽ AIയുടെ പ്രധാന സാധ്യതകളിലൊന്ന് സൃഷ്ടിയുടെ വാതിൽ കൂടുതൽ ആളുകൾക്കായി തുറക്കുക എന്നതാണ്. മുമ്പ് പ്രത്യേക വൈദഗ്ധ്യമുള്ള സംഘങ്ങളെയോ സ്ഥാപനങ്ങളെയോ ആശ്രയിക്കേണ്ടിവന്നിരുന്ന പല കാര്യങ്ങളും പുതിയ സാങ്കേതികവിദ്യയുടെ സഹായത്തോടെ സ്വന്തം ആശയത്തിൽ നിന്ന് തന്നെ വികസിപ്പിക്കാൻ സാധിക്കുന്ന സാഹചര്യം ഉണ്ടാകുമെന്നാണ് അദ്ദേഹം പറയുന്നത്.
അദ്ദേഹത്തിന്റെ കാഴ്ചപ്പാടിൽ AIയുടെ പ്രധാന സാധ്യതകളിലൊന്ന് സൃഷ്ടിയുടെ വാതിൽ കൂടുതൽ ആളുകൾക്കായി തുറക്കുക എന്നതാണ്. മുമ്പ് പ്രത്യേക വൈദഗ്ധ്യമുള്ള സംഘങ്ങളെയോ സ്ഥാപനങ്ങളെയോ ആശ്രയിക്കേണ്ടിവന്നിരുന്ന പല കാര്യങ്ങളും പുതിയ സാങ്കേതികവിദ്യയുടെ സഹായത്തോടെ സ്വന്തം ആശയത്തിൽ നിന്ന് തന്നെ വികസിപ്പിക്കാൻ സാധിക്കുന്ന സാഹചര്യം ഉണ്ടാകുമെന്നാണ് അദ്ദേഹം പറയുന്നത്.
AI മനുഷ്യന്റെ ചിന്താശേഷിക്ക് പകരമാകുമെന്നതിനേക്കാൾ, ആശയങ്ങളെ രൂപപ്പെടുത്താൻ ഉപയോഗിക്കുന്ന ഒരു ഉപകരണമായാണ് അതിനെ കാണേണ്ടതെന്നും അരവിന്ദ് സ്വാമി പറയുന്നു. സാങ്കേതികവിദ്യ ഓരോ ആഴ്ചയും അതിവേഗം മാറിക്കൊണ്ടിരിക്കുന്ന സാഹചര്യത്തിൽ, അതിനൊപ്പം പഠിക്കുകയും പുതിയ സാധ്യതകൾ പരീക്ഷിക്കുകയും ചെയ്യേണ്ട സമയമാണിതെന്നും അദ്ദേഹം കൂട്ടിച്ചേർത്തു.
Actor Arvind Swamy believes AI could significantly transform filmmaking, potentially allowing movies to be completed within three months without depending on major budgets or star availability. He revealed that he has four or five scripts intended for direction and expects advancing technology to make sophisticated visual storytelling increasingly accessible to individual creators.