നീറ്റ് ചോദ്യപേപ്പർ ചോർച്ചയുടെ പശ്ചാത്തലത്തിൽ, കേന്ദ്ര വിദ്യാഭ്യാസമന്ത്രിയുടെ രാജി ആവശ്യപ്പെട്ട് ഡൽഹിയിൽ യുവജനപ്രതിഷേധം കനക്കുകയാണ്. സമരവേദിയിലെത്തിയും സോഷ്യൽ മീഡിയയിലൂടെയും പ്രതിഷേധത്തിന് ഐക്യദാർഢ്യമുയരുമ്പോൾ മൌനം തുടരുന്നവരുമുണ്ട്. ഈ കൂട്ടത്തിലെ പ്രമുഖരാണ് ബോളിവുഡ് നടീനടന്മാർ.
സമരത്തിന് ശ്രദ്ധയും പിന്തുണയും കണ്ടിട്ടോ എന്തോ ബോളിവുഡിൽ പലരും എവിടെയും തൊടാതെ ചില പ്രതികരണങ്ങളുമായി ഇപ്പോൾ രംഗത്തെത്തിയിട്ടുണ്ട്. ഇതിൽ രാജ്കുമാർ റാവുവിന്റെ ഒരു പോസ്റ്റും അതിലെ ഒരു കമന്റും സോഷ്യൽ മീഡിയയിൽ ചർച്ചയാവുകയാണിപ്പോൾ.
ബുധനാഴ്ചയാണ് ജന്തർ മന്തറിൽ പ്രതിഷേധിക്കുന്ന യുവതീയുവാക്കൾക്ക് ഐക്യദാർഢ്യമറിയിച്ച് രാജ്കുമാർ ഇൻസ്റ്റഗ്രാമിൽ പോസ്റ്റ് പങ്കുവച്ചത്. വിദ്യാർഥിപ്രതിഷേധത്തിന് വേണ്ട പരിഗണന നൽകുന്നതിനൊപ്പം തന്നെ, സമാധാനം ഉറപ്പാക്കണമെന്നും അഹ്വാനം ചെയ്യുന്നതായിരുന്നു പോസ്റ്റ്. ഇതിന് താഴെ, മോദിയെ പ്രശംസിക്കുന്ന പാട്ടിൽ അഭിനയിച്ചതോടെ താങ്കളോടുള്ള എല്ലാ ബഹുമാനവും നഷ്ടപ്പെട്ടു എന്നൊരാൾ കുറിച്ചു.
ഇതിന്, ഒറ്റ പാട്ടിലൂടെ തന്റെ നിലപാട് അളക്കരുതെന്നും അത്തരം പ്രവൃത്തികൾക്ക് പിന്നിലെ സമ്മർദം താങ്കൾക്കറിയില്ല എന്നുമായിരുന്നു നടന്റെ മറുപടി. പിന്നീട് ഈ കമന്റ് ഡിലീറ്റ് ചെയ്തു. എന്നാലിതിന്റെ സ്ക്രീൻഷോട്ടുകൾ വ്യാപകമായി പ്രചരിച്ചു.
'മോദി ഹേ തോ മുംകിൻ ഹേ എന്ന പാട്ടിൽ പങ്കാളിയാകാനുള്ള സമ്മർദ്ദത്തെക്കുറിച്ചാണ് റാവു പരാമർശിച്ചതെന്ന് ചില സോഷ്യൽ മീഡിയ ഉപയോക്താക്കൾ ഊഹിക്കാൻ ഈ പരാമർശം കാരണമായി. എന്നിരുന്നാലും, താൻ എന്താണ് ഉദ്ദേശിച്ചതെന്ന് നടൻ വിശദീകരിക്കുകയോ, പാട്ടിന്റെ ഭാഗമാകാൻ തനിക്ക് മേൽ സമ്മർദ്ദമുണ്ടായതായി വ്യക്തമായി പറയുകയോ ചെയ്തിട്ടില്ല. താൻ പോസ്റ്റ് ചെയ്ത കമന്റ് നീക്കം ചെയ്യുന്നതിന് മുമ്പ് ഇത്തരം വ്യാഖ്യാനങ്ങളെ അദ്ദേഹം പിന്തുണച്ചിട്ടുമില്ല.
രാജ്യത്തിന്റെ പുരോഗതി ന്യായമായ ഒരു വിദ്യാഭ്യാസ സമ്പ്രദായത്തെ ആശ്രയിച്ചാണ് നിലനിൽക്കുന്നതെന്ന് ചൂണ്ടിക്കാട്ടി, സമാധാനത്തിനും ചർച്ചകൾക്കും അനുകമ്പയ്ക്കും വേണ്ടി രാജ്കുമാർ തന്റെ പോസ്റ്റിലൂടെ അഭ്യർത്ഥിക്കുന്നുണ്ട്.
ഏറ്റുമുട്ടലുകൾക്ക് പകരം സഹാനുഭൂതിയോടെയും അർത്ഥവത്തായ സംഭാഷണങ്ങളിലൂടെയും വിദ്യാർത്ഥികളും അധികൃതരും പരസ്പരം ആശയവിനിമയം നടത്തണമെന്നും നടൻ ആഹ്വാനം ചെയ്യുന്നു.
"യുവതലമുറയുടെ ശബ്ദം കേൾക്കപ്പടാതെ പോകുമ്പോൾ, സമൂഹം അത് കേൾക്കാൻ തയ്യാറാകണം എന്നതിന്റെ ഓർമ്മപ്പെടുത്തലാണത്. ഓരോ ശബ്ദവും മാന്യതയോടും നീതിയോടും ബഹുമാനത്തോടും കൂടി കേൾക്കപ്പെടാൻ അർഹതയുള്ളതാണ്. അതേസമയം, സമാധാനം തന്നെയാണ് നമ്മുടെ ഏറ്റവും വലിയ ശക്തിയായി നിലനിൽക്കേണ്ടത്. ഏത് ഭാഗത്ത് നിന്നുമുള്ള അക്രമവും മുറിവുകൾ ആഴത്തിലാക്കാനും അർത്ഥവത്തായ പരിഹാരങ്ങളിൽ നിന്ന് നമ്മെ കൂടുതൽ അകറ്റാനും മാത്രമേ സഹായിക്കൂ. ഇത് ചർച്ചകൾക്കും അനുകമ്പയ്ക്കും വേണ്ടിയുള്ള സമയമാണ്," റാവു കുറിച്ചു.
വിദ്യാർത്ഥികൾക്ക് അവരുടെ അഭിപ്രായങ്ങൾ ഉത്തരവാദിത്തത്തോടെ പ്രകടിപ്പിക്കാൻ അനുവാദം നൽകണമെന്നും, അധികൃതർ തുറന്ന മനസ്സോടെയും സഹാനുഭൂതിയോടെയും അതിനോട് പ്രതികരിക്കണമെന്നും നടൻ കൂട്ടിച്ചേർക്കുന്നുണ്ട്.
Amid the NEET question paper leak controversy, youth protests demanding the resignation of the Union Education Minister are intensifying in Delhi. While many have expressed solidarity with the protests by joining demonstrations and posting on social media, others have largely remained silent.
Among those facing criticism for their silence are several Bollywood actors. As the protests continue to gain attention and public support, a few celebrities have now begun making carefully worded statements without directly addressing the issue. One such post by Rajkummar Rao—and a comment on it—has now become a major talking point on social media.