'മതനിയമങ്ങൾ പാലിക്കാത്ത വിശ്വാസിയാണ് ഞാൻ, എന്നെ വർഗീയവാദിയാക്കി'; അമ്മയിൽ നടക്കുന്നത് വ്യക്തിഹത്യയും വർഗീയ മുദ്രകുത്തലുമെന്ന് അൻസിബ ഹസ്സൻ

മതനിയമങ്ങൾ കർശനമായി പാലിക്കാത്ത ഒരു സാധാരണ വിശ്വാസിയായ തന്നെ ചിലർ മനഃപൂർവ്വം ഒരു വർഗീയവാദിയാക്കി ചിത്രീകരിക്കാൻ ശ്രമിക്കുകയായിരുന്നു. ഇന്ത്യയിൽ ജനിച്ച് വളർന്ന എല്ലാവരും തുല്യ അവകാശമുള്ള ഇന്ത്യൻ പൗരന്മാരാണ്. എന്നിട്ടും ചിലർ പാകിസ്ഥാനിലേക്ക് പോകാൻ പറയുന്നത് കേൾക്കുമ്പോൾ വലിയ മാനസിക വിഷമമുണ്ട്. പ്രത്യേകിച്ച് മതസൗഹാർദ്ദത്തോടെ ജീവിക്കുന്ന കേരളം പോലുള്ള ഒരു സ്ഥലത്തുനിന്ന് ഇത്തരമൊരു അനുഭവം ഉണ്ടാകുന്നത് ഒട്ടും പ്രതീക്ഷിക്കാത്തതും അങ്ങേയറ്റം വേദനയുളവാക്കുന്നതുമാണ്. അത് ഇനി ഉണ്ടാവരുത് ഒരാൾക്കും. അതുകൊണ്ടാണ് അത് പബ്ലിക് ആയിട്ട് പറയണമെന്ന് തോന്നിയത്. രാജിവെച്ച സമയത്ത് പോലും കാര്യങ്ങളൊന്നും പറഞ്ഞിരുന്നില്ല. രാജിവെച്ച സമയത്ത് തന്നെ വ്യക്തിഹത്യ ചെയ്ത കാര്യങ്ങൾ, വർഗ്ഗീയവാദിയായിട്ട് മുദ്രകുത്താൻ ശ്രമിച്ച കാര്യങ്ങൾ, ഇനിയൊരു സ്ത്രീയെ പറ്റിഎന്നല്ല ഒരു മനുഷ്യനെ പറ്റി ആണെങ്കിലും ഇത്രയും അപവാദകഥകളൊന്നും പറയാൻ പാടില്ല. അത്തരത്തിലാണ് അപവാദകഥകൾ പറഞ്ഞിരിക്കുന്നത്. ഇനി അങ്ങനെ ഉണ്ടാവരുത്.