ജൂഡ് ആന്റണി ജോസഫ് സംവിധാനം ചെയ്യുന്ന തുടക്കം ഓണച്ചിത്രങ്ങളില് പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന സിനിമകളില് ഒന്നാണ്. മോഹന്ലാലിന്റെ മകള് വിസ്മയ മോഹന്ലാല് ആദ്യമായി വെള്ളിത്തിരയില് എത്തുന്നു എന്നത് ചിത്രത്തിന്റെ പ്രതീക്ഷകള് വര്ധിപ്പിക്കുകയും ചെയ്യുന്നു. ആഗോളതലത്തില് ഓഗസ്റ്റ് ഏഴിന് തുടക്കം തിയേറ്ററുകളില് എത്തും.
ചിത്രം തിയറ്ററിലേക്ക് എത്താനിരിക്കെ അടുത്തിടെ നടന്ന സിജെപി പ്രക്ഷോഭത്തില് വിസ്മയ എടുത്ത നിലപാട് മറ്റൊരു ചര്ച്ചയ്ക്കും തുടക്കമിട്ടിരുന്നു. ഇതിനിടെ ചിത്രത്തെ കുറിച്ച് തന്റെ ജീവിതത്തെ കുറിച്ചുമൊക്കെ തുറന്നു പറയുകയാണ് വിസ്മയ മോഹന്ലാല്.
താരപുത്രിയെന്ന ഭാരമില്ല
മലയാള സിനിമയിലെ ഏറ്റവും വലിയ താരത്തിന്റെ മകളാണെങ്കിലും, തന്റെ ജീവിതം എപ്പോഴും മറ്റുള്ളവർ നിരീക്ഷിച്ചുകൊണ്ടിരിക്കുകയാണെന്ന തോന്നൽ ഒരിക്കലും ഉണ്ടായിട്ടില്ലെന്ന് വിസ്മയ പറയുന്നു. ഗലാട്ട പ്ലസിന് നൽകിയ അഭിമുഖത്തിലാണ് താരം മനസ്സുതുറന്നത്.
'ജീവിതം മൈക്രോസ്കോപ്പിന് കീഴിലല്ല'
"എന്റെ ജീവിതം മൈക്രോസ്കോപ്പിന് കീഴിലാണെന്ന് എനിക്ക് ഒരിക്കലും തോന്നിയിട്ടില്ല." ജീവിതത്തിന്റെ ഭൂരിഭാഗവും കേരളത്തിന് പുറത്ത്, ഊട്ടിയിലാണ് താൻ വളർന്നതെന്നും അതിനാൽ ആളുകളുടെ നിരന്തര ശ്രദ്ധ അനുഭവിക്കേണ്ടി വന്നിട്ടില്ലെന്നും വിസ്മയ വ്യക്തമാക്കി.
പ്രതീക്ഷകളും വിലയിരുത്തലുകളും
"ഞാൻ മോഹൻലാലിന്റെ മകളായതുകൊണ്ട് ആളുകൾ എന്നെ തീർച്ചയായും വിലയിരുത്തും. അവർക്ക് എന്നെക്കുറിച്ച് ചില പ്രതീക്ഷകളുമുണ്ടാകും." താരപദവി കൊണ്ടുവരുന്ന ഇത്തരം വിലയിരുത്തലുകൾ തികച്ചും സ്വാഭാവികമാണെന്ന് വിസ്മയ കൂട്ടിച്ചേർത്തു.
അച്ഛനോടുള്ള ഇഷ്ടം, വിമർശനം
ചിലർക്ക് തന്റെ അച്ഛനെ ഒരു നടനെന്ന നിലയിൽ ഇഷ്ടമായിരിക്കാം, മറ്റുചിലർക്ക് ഇഷ്ടമാകണമെന്നില്ല. അദ്ദേഹത്തെക്കുറിച്ചുള്ള ആ കാഴ്ചപ്പാടുകൾ സ്വാഭാവികമായും തന്നിലേക്കും നീളുമെന്ന ഉത്തമബോധ്യമുണ്ടെന്നും അവർ പറഞ്ഞു
വിമർശനങ്ങൾ ബാധിക്കില്ല! കാരണം...
സോഷ്യൽ മീഡിയയിലെ വിമർശനങ്ങളൊന്നും വിസ്മയയെ ബാധിക്കാറില്ല. അതിന് താരം പറയുന്ന കാരണം വളരെ ലളിതമാണ്; "അത്തരം കാര്യങ്ങളൊന്നും ഞാൻ മനസ്സിലേക്ക് എടുക്കാറില്ല. ഞാൻ സോഷ്യൽ മീഡിയയിലെ കമന്റുകൾ പോലും വായിക്കാറില്ല."
ആൾക്കൂട്ടം ശ്രദ്ധിക്കുന്നത് അപ്പോൾ മാത്രം!
അടുത്തിടെ സി.ജെ.പി. പ്രതിഷേധത്തിന് പിന്തുണ അറിയിച്ചതിലൂടെ വിസ്മയ ചർച്ചകളിൽ ഇടംപിടിച്ചിരുന്നു. എന്നാൽ, അച്ഛനൊപ്പം വിമാനത്താവളത്തിൽ പോകുമ്പോഴാണ് ആളുകൾ തന്നെ ഏറ്റവും കൂടുതൽ ശ്രദ്ധിക്കുന്നതായി അനുഭവപ്പെടാറുള്ളതെന്ന് താരം പറയുന്നു.
കാത്തിരിക്കുന്നത് ഗംഭീര 'തുടക്കം'
'ഓം ശാന്തി ഓശാന', '2018' എന്നീ മെഗാഹിറ്റ് ചിത്രങ്ങൾക്ക് ശേഷം ജൂഡ് ആന്തണി ജോസഫ് ഒരുക്കുന്ന ചിത്രമാണ് 'തുടക്കം'. അതുകൊണ്ടുതന്നെ സിനിമയ്ക്കും വിസ്മയയുടെ പ്രകടനത്തിനും വലിയ പ്രതീക്ഷകളാണ് സിനിമാപ്രേമികൾ നൽകുന്നത്.
Vismaya Mohanlal opens up about public expectations, criticism, and growing up away from the spotlight ahead of her acting debut in Thudakkam. She says being Mohanlal's daughter naturally invites judgement but insists social media criticism never affects her, as she chooses to stay away from online comments.