രാവണനാകാൻ യഷ് ധരിച്ചത് 33 കിലോ ഭാരമുള്ള വേഷം! കിരീടത്തിന്റെ ഭാരം 1.8 കിലോ; വെളിപ്പെടുത്തി കോസ്റ്റ്യൂം ഡിസൈനർ

യഷ് ധരിച്ചിരുന്ന കിരീടത്തിന് മാത്രം 1.8 കിലോ ഭാരമുണ്ടായിരുന്നു.
രാവണനാകാൻ യഷ് ധരിച്ചത് 33 കിലോ ഭാരമുള്ള വേഷം! കിരീടത്തിന്റെ ഭാരം 1.8 കിലോ; വെളിപ്പെടുത്തി കോസ്റ്റ്യൂം ഡിസൈനർ
Published on: 

നിതേഷ് തിവാരിയുടെ 'രാമായണ'ത്തിൽ രാവണനായി വേഷമിടാൻ യഷ് അണിഞ്ഞത് 33 കിലോ വരെ ഭാരമുള്ള വസ്ത്രങ്ങൾ. ചിത്രത്തിലെ രാവണന്റെ വേഷവിധാനങ്ങൾ ഒരുക്കിയ കോസ്റ്റ്യൂം ഡിസൈനർ സാനിയ സർദാരിയയാണ് ഇക്കാര്യം വെളിപ്പെടുത്തിയത്. സാധാരണയായി 16 മുതൽ 20 കിലോ വരെ ഭാരമുള്ള വസ്ത്രങ്ങളും ആഭരണങ്ങളുമാണ് യഷ് ധരിച്ചിരുന്നതെന്നും ചില പ്രത്യേക രംഗങ്ങൾക്കായി ഉപയോഗിച്ച വേഷങ്ങൾക്ക് 30 മുതൽ 33 കിലോ വരെ ഭാരമുണ്ടായിരുന്നുവെന്നും സാനിയ പറഞ്ഞു. 'ഇന്ത്യ ടുഡേ'യ്ക്ക് നൽകിയ അഭിമുഖത്തിലാണ് ചിത്രത്തിലെ കോസ്റ്റ്യൂം ഡിസൈനിങ്ങുമായി ബന്ധപ്പെട്ട അനുഭവങ്ങൾ സാനിയ പങ്കുവെച്ചത്.

രാവണനാകാൻ യഷ് ധരിച്ചത് 33 കിലോ ഭാരമുള്ള വേഷം! കിരീടത്തിന്റെ ഭാരം 1.8 കിലോ; വെളിപ്പെടുത്തി കോസ്റ്റ്യൂം ഡിസൈനർ
‘രാമായണ 2’വുമായി ബോക്സ് ഓഫീസ് പോരാട്ടം കുറിച്ച് വാം​ഗയുടെ ‘സ്പിരിറ്റ്’; റിലിസ് തിയതി പുറത്ത്

''ലങ്കയുമായി ബന്ധപ്പെട്ട രാവണന്റെ ലുക്ക്, വിവാഹ വേഷം, ശൂർപ്പണഖയുടെ വിവാഹത്തിനായി ധരിക്കുന്ന വേഷം എന്നിവയായിരുന്നു ഏറ്റവും ഭാരമേറിയവ. ഈ വസ്ത്രങ്ങൾക്കൊപ്പം ആഭരണങ്ങളും ഉൾപ്പെടുമ്പോൾ ഭാരം 30-33 കിലോ വരെ എത്തിയിരുന്നു. രാവണന്റെ വേഷം ഒരുക്കിയപ്പോൾ ഏറ്റവും വലിയ വെല്ലുവിളിയായത് കിരീടത്തിന്റെ ഭാരമായിരുന്നു. യഷ് ധരിച്ചിരുന്ന കിരീടത്തിന് മാത്രം 1.8 കിലോ ഭാരമുണ്ടായിരുന്നു. ഭാരം കുറയ്ക്കാൻ പല രീതികളും പരീക്ഷിച്ചെങ്കിലും അതിനപ്പുറം കുറയ്ക്കാൻ സാധിച്ചില്ല. ആദ്യം കിരീടത്തിന്റെ ഡിസൈൻ കൃത്യമായി ഉറപ്പിക്കുകയായിരുന്നു ചെയ്തത്. ഇതിനായി നിരവധി 3D മോഡൽ കിരീടങ്ങൾ തയ്യാറാക്കി പരീക്ഷിച്ചു. പിന്നീട് ഡിസൈനിൽ മാറ്റം വരുത്താതെ എങ്ങനെ ഭാരം കുറയ്ക്കാമെന്നതിലായിരുന്നു ശ്രദ്ധ. തലയിൽ ചെറിയൊരു ഭാരം പോലും വലിയ അസ്വസ്ഥതയുണ്ടാക്കുന്ന ഒന്നാണ്. അതുകൊണ്ടുതന്നെ കിരീടം ധരിക്കുക എന്നത് യഷിനെ സംബന്ധിച്ച് ഏറെ ബുദ്ധിമുട്ടുള്ള കാര്യമായിരുന്നു. എന്നാൽ കിരീടത്തിന്റെ ഭാരം യഷിന്റെ മുഖഭാവങ്ങളിൽ പ്രകടമായിരുന്നില്ല. അത്രയും ഭാരമുള്ള വേഷവിധാനങ്ങൾ ധരിച്ച് അഭിനയിക്കുന്നത് വലിയ ശാരീരിക ബുദ്ധിമുട്ടായിരുന്നു എന്ന് സാനിയ വ്യക്തമാക്കി.

രാവണനാകാൻ യഷ് ധരിച്ചത് 33 കിലോ ഭാരമുള്ള വേഷം! കിരീടത്തിന്റെ ഭാരം 1.8 കിലോ; വെളിപ്പെടുത്തി കോസ്റ്റ്യൂം ഡിസൈനർ
രാവണൻ–ജടായു പോരാട്ടത്തിന് പിന്നിൽ ആറര വർഷത്തെ അധ്വാനം; പുഷ്പകവിമാനത്തിന് 50 ഡിസൈനുകൾ ഒരുക്കി 'രാമായണം' ടീം

ചില ഭാഗങ്ങളിലെ മൂർച്ചയുള്ള ഡിസൈൻ ഘടകങ്ങൾ ടീമിന് തന്നെ ബുദ്ധിമുട്ടുണ്ടാക്കിയിരുന്നുവെന്ന് സാനിയ ഓർത്തെടുത്തു. ''വസ്ത്രങ്ങളുടെ ഭാരത്തിന് പുറമെ അവയുടെ രൂപകൽപ്പനയും യഷിന്റെ ചലനങ്ങളെ നിയന്ത്രിച്ചിരുന്നു. ഈ സാഹചര്യത്തെ തമാശയായി കൈകാര്യം ചെയ്യുകയായിരുന്നു യഷ്. വേഷത്തിന്റെ ഭാഗമായി ഉണ്ടായിരുന്ന മൂർച്ചയുള്ള ഭാഗങ്ങൾ ഉപയോഗിച്ച് സെറ്റിലുള്ളവരെ കളിയാക്കുകയും എല്ലാവരെയും അതിന്റെ ബുദ്ധിമുട്ട് അനുഭവിപ്പിക്കുകയും ചെയ്യുമായിരുന്നു. എത്രത്തോളം കഠിനമായിരിക്കും ഈ വേഷമെന്ന് യഷിന് പെട്ടെന്ന് തന്നെ മനസ്സിലായിരുന്നു'' എന്നും സാനിയ വെളിപ്പെടുത്തി.

രാവണനാകാൻ യഷ് ധരിച്ചത് 33 കിലോ ഭാരമുള്ള വേഷം! കിരീടത്തിന്റെ ഭാരം 1.8 കിലോ; വെളിപ്പെടുത്തി കോസ്റ്റ്യൂം ഡിസൈനർ
രാവണനും രാമനും ഒരുപോലെ റിലേറ്റബിൾ കഥാപാത്രങ്ങൾ; ‘രാമായണം’ ഇന്ത്യൻ സിനിമയെ ലോകത്തിന് മുന്നിലെത്തിക്കുമെന്ന് യഷ്

'രാമായണ' ബോക്സ് ഓഫീസിലും മികച്ച മുന്നേറ്റമാണ് കാഴ്ചവെക്കുന്നത്. റിലീസ് ദിനത്തിൽ ആഗോളതലത്തിൽ 128 കോടി രൂപ നേടിയ ചിത്രം, ആദ്യ നാല് ദിവസത്തെ നീണ്ട ഓപ്പണിങ് വീക്കൻഡിനൊടുവിൽ 500 കോടി രൂപ പിന്നിട്ടിരുന്നു. എന്നാൽ 1600, 2000 കോടി രൂപയോളം ബജറ്റ് കണക്കാക്കുന്ന ചിത്രത്തിന് ഈ നേട്ടം പ്രതീക്ഷിച്ചത്ര മികച്ചതായിരുന്നില്ല. ഇന്ത്യയിൽ ദീപാവലി അവധിയുടെ ഗുണം കൂടി ലഭിച്ചതോടെ കളക്ഷനിൽ വലിയ കുതിപ്പുണ്ടായി. അന്ന് മാത്രം ഇന്ത്യയിൽ നിന്ന് 107.50 കോടി രൂപ നെറ്റ് കളക്ഷൻ നേടിയെന്നാണ് റിപ്പോർട്ടുകൾ. ഇതോടെ ആഭ്യന്തര ബോക്സ് ഓഫീസിൽ ചിത്രത്തിന്റെ നെറ്റ് കളക്ഷൻ 346 കോടി രൂപയായും ഗ്രോസ് കളക്ഷൻ 413 കോടി രൂപയായും ഉയർന്നു. ആഗോള കളക്ഷൻ 500 കോടി പിന്നിട്ട ചിത്രം റിലീസിന് ശേഷമുള്ള ആദ്യ തിങ്കളാഴ്ച തന്നെ ബോളിവുഡിലെ ഏറ്റവും ഉയർന്ന കളക്ഷൻ സ്വന്തമാക്കിയതായും റിപ്പോർട്ടുകൾ വ്യക്തമാക്കുന്നുണ്ട്.

രാവണനാകാൻ യഷ് ധരിച്ചത് 33 കിലോ ഭാരമുള്ള വേഷം! കിരീടത്തിന്റെ ഭാരം 1.8 കിലോ; വെളിപ്പെടുത്തി കോസ്റ്റ്യൂം ഡിസൈനർ
രാവണന്റെ പത്ത് തലകളുള്ള സ്വർണ ബ്രൂച്ച്; ‘രാമായണ’ പ്രീമിയറിൽ ശ്രദ്ധ നേടി യഷ്

ചിത്രത്തിൽ രാമനായി രൺബീർ കപൂറും സീതയായി സായ് പല്ലവിയുമാണ് വേഷമിട്ടത്. രാവണനായി യഷ് വേഷമിടുമ്പോൾ ലക്ഷ്മണനായി രവി ദുബെയും അഭിനയിക്കുന്നു. നമിത് മൽഹോത്രയാണ് ചിത്രം നിർമ്മിച്ചത്. എ ആർ റഹ്മാനും ഹാൻസ് സിമ്മറും ചേർന്നാണ് സംഗീതം ഒരുക്കിയത്.

Summary

Yash wore costumes weighing up to 33 kilograms to portray Ravana in Nitesh Tiwari’s Ramayana, costume designer Sanya Sardariyya has revealed. His crown alone weighed 1.8 kilograms. She also described the challenges of designing the elaborate outfits while maintaining their appearance and allowing the actor to perform comfortably.