നീറ്റ് പുനഃപരീക്ഷയുടെ പശ്ചാത്തലത്തിൽ രാജ്യത്ത് ടെലഗ്രാമിന് നിയന്ത്രണമേർപ്പെടുത്തിയിരിക്കുകയാണ് കേന്ദ്രസർക്കാർ. പരീക്ഷ നടക്കുന്ന ജൂൺ 21നും ഒരു ദിവസം കൂടി കടന്ന് 22 വരെയാണ് നിയന്ത്രണം. ചോദ്യപേപ്പർ ചോർച്ച തടയുകയാണ് ലക്ഷ്യം.
ജെഇഇ, യുപിഎസ് സി ഉൾപ്പടെ ദേശീയതലത്തിൽ സുപ്രധാനമായ പരീക്ഷകൾ ഇന്ത്യയിൽ നടക്കാറുണ്ട്. അതിനൊന്നുമില്ലാത്ത വീഴ്ച നീറ്റിന്റെ കാര്യത്തിലെങ്ങനെയാണ് സംഭവിക്കുന്നത്? പരീക്ഷാനടത്തിപ്പുകളിലുള്ള സുതാര്യത തന്നെയാണ് അതിനുത്തരം. ജെഇഇയിലോ യുപിഎസ്സിയിലോ സുരക്ഷാവീഴ്ചകളുണ്ടാവാത്തതിന് കാരണമായി ചൂണ്ടിക്കാട്ടാവുന്ന കാര്യങ്ങൾ ഇവയൊക്കെയാണ്
ചോദ്യപേപ്പർ തയ്യാറാക്കുന്നത് ഒരാളല്ല!
ഒരു വ്യക്തിയോ ഒരു സ്ഥാപനമോ അല്ല രണ്ട് പരീക്ഷകളുടെയും ചോദ്യപേപ്പർ തയ്യാറാക്കുന്നത്. ജെഇഇക്കായി സംഘാടകരായ IIT രഹസ്യ സമിതിയായി വിവിധ പ്രൊഫസർമാരെ തിരഞ്ഞെടുക്കും. കർശന സുരക്ഷയുള്ള, പുറംലോകവുമായി യാതൊരു ആശയവിനിമയവും ഇല്ലാത്ത താമസകേന്ദ്രങ്ങളിൽ വെച്ചാണ് ഇവർ ചോദ്യപേപ്പർ തയ്യാറാക്കുന്നത്. ഓരോ പ്രൊഫസറും മറ്റാരൊക്കെയാണ് സമിതിയിലുള്ളതെന്നോ അവസാനമായി ഏത് ചോദ്യങ്ങളാണ് പേപ്പറിൽ ഉൾപ്പെടുകയെന്നോ അറിയാതെ സ്വതന്ത്രമായാണ് ചോദ്യങ്ങൾ തയ്യാറാക്കപ്പെടും.
ഒന്നിലധികം ചോദ്യപേപ്പർ സെറ്റുകളും തിരഞ്ഞെടുപ്പും
രണ്ട് പരീക്ഷാ സംഘാടകരും പരസ്പരം പൂർണമായും സ്വതന്ത്രമായ ഒന്നിലധികം ചോദ്യപേപ്പർ സെറ്റുകൾ തയ്യാറാക്കുന്നുണ്ട്.
പരീക്ഷ തുടങ്ങുന്നതിന് തൊട്ടുമുമ്പ് സുരക്ഷിതവും ക്രമരഹിതവുമായ തിരഞ്ഞെടുപ്പ് സംവിധാനത്തിലൂടെയാണ് അന്തിമ ചോദ്യപേപ്പർ സെറ്റ് തീരുമാനിക്കുന്നത്. എവിടെയെങ്കിലും സുരക്ഷാ വീഴ്ച സംശയിക്കപ്പെട്ടാൽ, തയ്യാറാക്കി വച്ചിരിക്കുന്ന മറ്റൊരു ബദൽ ചോദ്യപേപ്പർ സെറ്റ് ഉടൻ തന്നെ ഉപയോഗത്തിലാക്കും.
പൂർണമായും കംപ്യൂട്ടർ ബേസ്ഡ് ടെസ്റ്റ് രീതിയിലാണ് ജെഇഇ അഡ്വാൻസ്ഡ് നടത്തപ്പെടുന്നത്. ചോദ്യപേപ്പർ ഡേറ്റ അത്രയും സ്വകാര്യമായി, സൂഷ്മമായി മാത്രമേ പരിപാലിക്കപ്പെടൂ. കൃത്യമായ കോഡ് പാക്കേജുകളിലൂടെയാണ് ചോദ്യങ്ങൾ കൈമാറ്റം ചെയ്യപ്പെടുന്നത്. ആദ്യത്തെ കാൻഡിഡേറ്റ് ലോഗ് ഇൻ ചെയ്യുന്ന സമയം മാത്രമേ ഇവ അൺലോക്ക് ചെയ്യപ്പെടുകയുള്ളൂ.
പാഠപുസ്തകത്തിലെ വിവരങ്ങൾ മനഃപാഠമാക്കി എഴുതുന്നതിനെയോ നേരിട്ടുള്ള മാതൃകാ ചോദ്യങ്ങളെയോ ആശ്രയിക്കുന്ന പരീക്ഷകളിൽ നിന്ന് വ്യത്യസ്തമായി, JEE Advanced ഉം UPSC യും അടിസ്ഥാന ആശയങ്ങളിലെ വ്യക്തതയ്ക്കും (conceptual clarity) വിശകലനാത്മക ചിന്താശേഷിക്കുമാണ് (analytical reasoning) കൂടുതൽ പ്രാധാന്യം നൽകുന്നത്.
JEE Advanced എല്ലാ വർഷവും മാർക്കിങ് രീതിയിലും ചോദ്യങ്ങളുടെ എണ്ണത്തിലും പരീക്ഷാ പാറ്റേണിലും മാറ്റങ്ങൾ വരുത്താറുണ്ട്. ചോദ്യങ്ങൾ സങ്കീർണമായ ഗണിതപരമായ നിർവചനങ്ങളും (mathematical derivations) ഒന്നിലധികം ഘട്ടങ്ങളുള്ള യുക്തിചിന്തയും ആവശ്യപ്പെടുന്നതിനാൽ, പരീക്ഷയ്ക്ക് ഒരു മണിക്കൂർ മുമ്പ് ചോദ്യപേപ്പർ ലഭിച്ചാലും വിഷയത്തിൽ ആഴത്തിലുള്ള പ്രാവീണ്യമില്ലാതെ അത് വലിയ നേട്ടമൊന്നും നൽകില്ല.
യൂണിയൻ പബ്ലിക് സർവീസ് കമ്മീഷൻ ഒരു സ്വതന്ത്ര ഭരണഘടനാ സ്ഥാപനമായാണ് പ്രവർത്തിക്കുന്നത്. പ്രാദേശിക രാഷ്ട്രീയ ഇടപെടലുകളിൽ നിന്നോ ഭരണപരമായ സ്വാധീനങ്ങളിൽ നിന്നോ പൂർണമായും സ്വതന്ത്രമായ സംവിധാനമാണ് ഇതിന് ഉള്ളത്.
പരിശോധനയില്ലാത്ത മൂന്നാംകക്ഷി സ്ഥാപനങ്ങളെയോ സ്വകാര്യ പരീക്ഷാ ഏജൻസികളെയോ ആശ്രയിക്കുന്നതിന് പകരം, ചോദ്യപേപ്പർ വിതരണം, അച്ചടി കേന്ദ്രങ്ങൾ, ഇലക്ട്രോണിക് അടിസ്ഥാനസൗകര്യങ്ങൾ എന്നിവയിൽ ഈ സ്ഥാപനങ്ങൾ നേരിട്ടും കർശനമായും നിയന്ത്രണം പുലർത്തുന്നുണ്ട്. അതുതന്നെയാണ് ചോദ്യപേപ്പർ ചോർച്ച പോലുള്ള വാർത്തകൾ ഈ പരീക്ഷകളിൽ നിന്ന് അധികമെത്താത്തതിന് കാരണവും.
In the wake of the NEET re-examination, the Central Government has imposed restrictions on Telegram across the country. The curbs will remain in place on June 21, the day of the exam, and continue through June 22. The objective is to prevent question paper leaks.
Several high-stakes national-level examinations, including JEE and UPSC, are conducted in India every year. Why, then, do such security lapses occur in NEET but not in these exams? The answer lies in the transparency and security mechanisms of the examination process. Here are some of the key reasons often cited for the absence of major security breaches in JEE and UPSC.