ഫിഫ ലോകകപ്പിന്റെ ഓരോ മത്സരങ്ങൾ കഴിയുമ്പോഴും അതാത് ടീമുകളുടെ പരിശീലകൻ റഫറിമാർക്കെതിരെ രംഗത്തെത്തുന്നതു സാധാരണ കാഴ്ചയായിരുന്നു ഇത്തവണ. എന്നാൽ സ്പെയിനെതിരായ ഫൈനൽ തോൽവിക്കു പിന്നാലെയുള്ള വാർത്താസമ്മേളനത്തിൽ റഫറിമാരുടെ തീരുമാനത്തിനെതിരെ ചോദ്യമുയർത്താൻ അവസരമുണ്ടായിട്ടും അർജന്റീന പരിശീലകൻ ലയണൽ സ്കലോണി അതിനു തയ്യാറായില്ല.
എൻസോ ഫെർണാണ്ടസിന് റെഡ് കാർഡ് നൽകിയത് ഉൾപ്പെടെ ഫൈനലിൽ കളി നിയന്ത്രിച്ച സ്ലോവേനിയൻ റഫറി സ്ലാവ്കോ വിൻസിസിനെതിരെ നിരവധി വിമർശനങ്ങൾ ഉയർന്നിരുന്നു. എന്നാൽ റഫറിമാർക്കെതിരെ ഒരു വിമർശനവും സ്കലോണി നടത്തിയില്ല. എൻസോയ്ക്ക് ആദ്യ യെല്ലോ കാർഡ് നൽകിയ നടപടിയിലാണ് അർജന്റീന ആരാധകർ അടക്കം സംശയം പ്രകടിപ്പിച്ചത്. ആ ഫൗൾ യെല്ലോ കാർഡിന് അർഹമല്ലെന്നാണ് പലരുടെയും അഭിപ്രായം.
എൻസോ ഫെർണാണ്ടസിന് റെഡ് കാർഡ് ലഭിച്ചത് മറ്റു താരങ്ങളുടെ കളിയെക്കൂടി ബാധിച്ചതായി സ്കലോണി പറഞ്ഞു. എന്നാൽ ആ റെഡ് കാർഡിന് മാച്ച് ഒഫിഷ്യൽസിനെ കുറ്റപ്പെടുത്തുന്നില്ലെന്നും അർജന്റീന പരിശീലകൻ വ്യക്തമാക്കി.
റഫറിമാർ നിങ്ങളോട് നീതികേട് കാണിച്ചിട്ടുണ്ടോയെന്ന മാധ്യമപ്രവർത്തകരുടെ ചോദ്യത്തിന് സ്കലോണി നൽകിയ മറുപടി ശ്രദ്ധേയമാണ്. ''ഇല്ല, സ്പെയിൻ ഞങ്ങളേക്കാൾ നന്നായി കളിച്ചു, അതുകൊണ്ടാണ് ഞങ്ങൾ തോറ്റത്. ഞങ്ങൾ അത് അംഗീകരിക്കണം. ഈ വീഴ്ചകളിൽനിന്ന് തിരുത്തി ഭാവിയിൽ ഞങ്ങൾ കുറേകൂടി മെച്ചപ്പെടും,' സ്കലോണി മറുപടി നൽകി. ടീമെന്ന നിലയിൽ അർജന്റീന കളിക്കാർ മികച്ച പ്രകടനമാണു നടത്തിയതെന്നും അതിൽ അഭിമാനിക്കാമെന്നും സ്കലോണി കൂട്ടിച്ചേർത്തു.
ഫൈനലിൽ തോറ്റിട്ടും അർജന്റീന ടീമിനെ തള്ളിപ്പറയാനോ വിമർശിക്കാനോ ദേശീയ മാധ്യമങ്ങൾ തയ്യാറായില്ല. മാത്രമല്ല ഫൈനൽ തോൽവിക്കുശേഷം നാട്ടിൽ തിരിച്ചെത്തിയ അർജന്റീന താരങ്ങൾക്കു വൻ വരവേൽപ്പ് നൽകുകയും ചെയ്തു.
''അവർ അവർക്കുള്ള സകലതും നൽകി, അവരെ പരിഹസിക്കാൻ ഒന്നുമില്ല,'' എന്നാണ് അർജന്റീനയിലെ ഏറ്റവും പ്രചാരമുള്ള പത്രമായ 'ക്ലാരിൻ' മെസിയുടെ ചിത്രം സഹിതം നൽകിയിരിക്കുന്ന തലക്കെട്ട്. അർജന്റീന ഫുട്ബോൾ ടീം അവർക്കു സാധ്യമായ തകലതും നൽകിയെന്നും അവർ രാജ്യത്തിന്റെ അഭിമാനമാണെന്നും 'ലാ നാസിയോൻ' ദിനപത്രത്തിൽ പറയുന്നു. കളി പൂർണമായി നിയന്ത്രിച്ചിട്ടും സ്പെയിന് അധിക സമയത്തിന്റെ എക്സ്ട്രാ മിനിറ്റിൽ മാത്രമാണു ഗോൾ നേടാനായതെന്നും പത്രങ്ങളിൽ അഭിമാനത്തോടെ ചൂണ്ടിക്കാട്ടുന്നു.
നാട്ടിലെത്തിയ അർജന്റീന താരങ്ങൾക്കായി പ്രത്യേക ബസ് ഒരുക്കിയിരുന്നു അർജന്റീന ഫുട്ബോൾ അസോസിയേഷൻ. വിമാനത്താവളത്തിൽനിന്ന് ഈ ബസിലാണു താരങ്ങൾ ആരാധകരെ അഭിവാദ്യം ചെയ്തത്. 'നിങ്ങൾ വിജയികളാണ്' എന്ന് മുദ്രാവാക്യങ്ങൾ വിളിച്ചും നന്ദി പറഞ്ഞുമാണ് ആരാധകർ അർജന്റീന താരങ്ങളെ വരവേറ്റത്.
It was a familiar sight throughout the FIFA World Cup—after almost every match, the coach of one team or the other would question the refereeing decisions. However, following Argentina's defeat to Spain in the final, head coach Lionel Scaloni chose a different path. Despite being given an opportunity to question the referee's decisions during the post-match press conference, Scaloni declined to do so.