ലോകകപ്പ് ചരിത്രത്തിൽ ആകെ മൂന്ന് പ്രാവശ്യമാണ് ഇതിനുമുമ്പ് ഈജിപ്ത് പങ്കെടുത്തത്. അതിൽ ഒരു മത്സരത്തിൽപോലും ടീമിന് വിജയിക്കാൻ കഴിഞ്ഞിരുന്നില്ല. 2026ൽ രാജ്യത്തിന്റെ നാലാം ലോകകപ്പും തന്റെ അവസാനത്തേതുമാണെന്ന് വ്യക്തമായി അറിയാമായിരുന്ന മുഹമ്മദ് സലാഹ് ഓസ്ട്രേലിയക്കെതിരെ പെനൽറ്റി ഷൂട്ടൗട്ടിൽ പനേങ്ക ഷോട്ട് ഉതിർത്ത് ഗോളാക്കി മാറ്റിയതാണ് ആദ്യ മത്സരത്തിലെ മനോഹര കാഴ്ച്ച.
ഈജിപ്തിന്റെ വിജയത്തിന്റെ ഏറ്റവും വലിയ പ്രത്യേകത അവർ ആധിപത്യം പുലർത്തിയതുകൊണ്ടല്ല ജയിച്ചതെന്നതാണ്. പന്തടക്കത്തിലും അവസരങ്ങൾ സൃഷ്ടിക്കുന്നതിലും ഓസ്ട്രേലിയ മുൻതൂക്കം പുലർത്തി. ആദ്യ പകുതിയിൽതന്നെ നിരവധി അവസരങ്ങൾ ലഭിച്ചെങ്കിലും ഫിനിഷിങ്ങിലെ പോരായ്മയാണ് തിരിച്ചടിയായത്. മറുവശത്ത്, ലഭിച്ച അവസരങ്ങൾ ഫലപ്രദമായി ഉപയോഗിക്കാനും നിർണായക സമയങ്ങളിൽ പ്രതിരോധം ഉറപ്പിക്കാനും ഈജിപ്തിന് സാധിച്ചു. തുടക്കത്തിൽ ഓസ്ട്രേലിയയുടെ ക്രിസ്റ്റ്യൻ വോൾപാറ്റോയുടെ ഷോട്ട് ക്രോസ്ബാറിൽ തട്ടി മടങ്ങിയില്ലെങ്കിൽ കഥ മറ്റൊന്നാകുമായിരുന്നു. അസീസ് ബെഹിച്ചിന് ലഭിച്ച മികച്ച അവസരവും പാഴായി. രണ്ടാം പകുതിയിൽ മുഹമ്മദ് ഹാനിയുടെ സെൽഫ് ഗോളിലൂടെയാണ് ഓസ്ട്രേലിയ സമനില പിടിച്ചതെങ്കിലും, അതിന് ശേഷം വിജയഗോൾ കണ്ടെത്താനായില്ല.
എന്നാൽ വലിയ ടൂർണമെന്റുകളിൽ വിജയിക്കുന്നത് എല്ലായ്പ്പോഴും മികച്ച ഫുട്ബോൾ കളിക്കുന്നവരല്ല. നിർണായക നിമിഷങ്ങളിൽ സമ്മർദം കൈകാര്യം ചെയ്യുന്നവരാണ്. അതാണ് ഈജിപ്ത് ചെയ്തത്. ഓസ്ട്രേലിയ അധികസമയത്തിന് മുമ്പ് പരിചയസമ്പന്നനായ മാറ്റ് റയാനെ പെനാൽറ്റിക്കായി ഇറക്കിയിട്ടും ഫലമുണ്ടായില്ല. ഈജിപ്തിന്റെ നാല് കിക്കുകളും പിഴവില്ലാതെ വലയിലെത്തി. മറുവശത്ത് ഹാരി സൗട്ടാറും ലൂക്കാസ് ഹെറിങ്ടണും പിഴച്ചതോടെ മത്സരം കൈവിട്ടു.
അധികസമയത്തിന്റെ അവസാന നിമിഷം പെനാൽറ്റിക്കായി മാറ്റ് റയാനെ ഇറക്കിയ ഓസ്ട്രേലിയയുടെ നീക്കം തന്ത്രപരമായി ശരിയായിരുന്നെങ്കിലും, സമ്മർദം കൈകാര്യം ചെയ്യുന്നതിൽ ഈജിപ്ത് ഒരു പടി മുന്നിലായിരുന്നു. നാല് പെനാൽറ്റികളും കൃത്യമായി ലക്ഷ്യത്തിലെത്തിച്ച അവർ, അവസാന നിമിഷങ്ങളിൽ മാനസിക കരുത്താണ് വിജയത്തെ നിർണയിക്കുന്നതെന്ന് കാണിച്ചു.
പെനാൽറ്റി ഷൂട്ടൗട്ടിൽ ഈജിപ്ത് പൂർണ മികവ് കാട്ടി. മഹ്മൂദ് സാബർ, റാമി റബിയ, മുഹമ്മദ് സലാ, ഹൊസം അബ്ദെൽമഗീദ് എന്നിവർ ലക്ഷ്യം കണ്ടപ്പോൾ ഓസ്ട്രേലിയയ്ക്കായി ഹാരി സൗട്ടാറിന്റെ കിക്ക് പുറത്തേക്കും 18കാരൻ ലൂക്കാസ് ഹെറിങ്ടന്റെ ശ്രമം ക്രോസ്ബാറിലും തട്ടി. ജാക്സൺ ഇർവിനും അവർ മാബിലും മാത്രം ലക്ഷ്യം കണ്ടതോടെ ഷൂട്ടൗട്ട് 4-2ന് ഈജിപ്തിന്റെ പേരിലായി.
ഇനി ഈജിപ്തിനെ കാത്തിരിക്കുന്നത് ലോകചാമ്പ്യൻമാരായ അർജന്റീനയാണ്. ലയണൽ മെസിയുടെ ടീമായാലും കേപ് വെർഡെയെതിരെ പ്രതിരോധത്തിലെ ദൗർബല്യങ്ങൾ അവർ തുറന്നുകാട്ടിയിരുന്നു. അതേസമയം, ഈജിപ്ത് അവസരങ്ങൾ മുതലെടുക്കുന്നതിലും സമ്മർദഘട്ടങ്ങൾ അതിജീവിക്കുന്നതിലും മികവ് തെളിയിച്ചിട്ടുണ്ട്.
Egypt scripted history by winning their first-ever FIFA World Cup match, defeating Australia 4-2 on penalties after a 1-1 draw. Mohamed Salah's audacious Panenka penalty symbolised Egypt's composure under pressure. Despite Australia dominating possession and creating more chances, poor finishing proved costly, while Egypt capitalised on key moments and remained flawless in the shootout. The historic victory sets up a Round of 16 clash with defending champions Argentina national football team, who showed defensive vulnerabilities against Cape Verde national football team.