ഇന്ന് ഓഗസ്റ്റ് 8. ഫുട്ബോൾ മൈതാനങ്ങളുടെ ഗാലറിയിൽ മാത്രം കണ്ട, അർജന്റീനിയൻ ഗോളുകൾ ഓരോന്നായി വീഴുമ്പോൾ ഒരു പുഞ്ചിരിയിൽ സന്തോഷവും അഭിമാനവും ഒളിപ്പിച്ച ഒരാളെയോർത്ത് ഫുട്ബോൾ ലോകം വിതുമ്പുകയാണ്. ഫുട്ബോൾ ഇതിഹാസം ലയണൽ മെസ്സിയുടെ പിതാവ് ഹോർഹെ മെസ്സി, 68ാം വയസ്സിൽ ഈ ലോകത്തോട് വിട പറഞ്ഞിരിക്കുന്നു.
ഹോർഹെ മെസ്സി, ലോകം കണ്ട ഏറ്റവും മികച്ച കാൽപന്തുകളിക്കാരന്റെ പിതാവ് മാത്രമായിരുന്നില്ല. ലിയോയെ മെസ്സിയാക്കിയ, ഒരച്ഛന്റെ മുഴുവൻ നിശ്ചദാർഢ്യവും പേറിയ ഒരു അത്ഭുതമനുഷ്യൻ തന്നെ ആയിരുന്നു. 2026 ലോകകപ്പിൽ അൾജീരിയയോട് ജയിച്ച് ആ ഫുട്ബോൾ മൈതാനത്ത് നിന്ന് മെസ്സി പൊട്ടിക്കരഞ്ഞത് ആ അച്ഛനെ ഓർത്താണ്. ഈ ദിനങ്ങൾ എനിക്ക് കടുപ്പമേറിയതാണ് എന്ന് മെസ്സി പറഞ്ഞത് മരണവുമായി പിതാവ് മല്ലിടുന്ന ആ ദിനങ്ങളെ കുറിച്ചാണ്.
ഇന്ന് മെസ്സിക്കൊപ്പം ഹോർഹെയെ ഓർത്ത് വിതുമ്പുമ്പോൾ, എത്രത്തോളം മികച്ച ഒരു പിതാവായിരുന്നു അദ്ദേഹം എന്ന് നാം സ്മരിക്കേണ്ടതുണ്ട്. മകനെ ലോകം ആരാധിക്കുന്ന പ്രതിഭയും, അതിലുപരി വ്യക്തിത്വമുള്ള മനുഷ്യനുമാക്കാൻ ആ പിതാവ് തിരഞ്ഞെടുത്ത വഴികളെ കുറിച്ചും നാം ചിന്തിക്കണം.
വളർച്ചാ സംബന്ധിയായ പ്രശ്നങ്ങൾ നേരിട്ടിരുന്ന കുട്ടിയായിരുന്നു മെസ്സി. ഹോർമോൺ കുത്തിവയ്ക്കാൻ വേണ്ടത്ര പണമില്ലാഞ്ഞിട്ടും ആ ചികിത്സയിൽ ഒരു വിട്ടുവീഴ്ചയും ഹോർഹെ നടത്തിയിട്ടില്ല. 13ാം വയസ്സിൽ ഭാര്യയെയും മറ്റ് മക്കളെയും വിട്ട് മെസ്സിക്കൊപ്പം ഫുട്ബോൾ ഭാവിക്കായി അദ്ദേഹം സ്പെയ്നിലേക്ക് വണ്ടികയറി.
മെസ്സിയുടെ വളർച്ചാ വൈകല്യം വലിയൊരു തടസ്സമാകുമെന്ന് വൈദ്യശാസ്ത്രം വിധി എഴുതി. ചികിത്സാച്ചെലവ് താങ്ങാനാവില്ലെന്ന് അർജന്റീനിയൻ ക്ലബ്ബുകളും കൈയൊഴിഞ്ഞു. എന്നാൽ ഹോർഹെ ഇതെല്ലാം കേട്ടിട്ടും മകനിലുള്ള വിശ്വാസം കൈവിട്ടില്ല. അടഞ്ഞുപോയെന്ന് തോന്നുന്ന വാതിലുകൾക്ക് മുന്നിൽ മക്കൾ നിലയുറപ്പിക്കുമ്പോൾ ഏതൊരു മാതാപിതാക്കളും നേരിടുന്ന വികാരമാണിത്. അത്തരം ഘട്ടങ്ങളിൽ മക്കൾക്കൊപ്പം ഉറച്ചുനിൽക്കുക, ആ വാതിലുകളിൽ തുടർച്ചയായി മുട്ടിക്കൊണ്ടിരിക്കുക- അതാണ് ഹോർഹെ നൽകുന്ന പാഠം.
മകനുവേണ്ടി ഹോർഹെ അർജന്റീന വിട്ട് സ്പെയിനിലേക്ക് താമസം മാറ്റി. എന്നാൽ താൻ സഹിച്ച ത്യാഗങ്ങളുടെ ഭാരം അദ്ദേഹം ഒരിക്കലും മെസ്സിയുടെ തലയിൽ വച്ചുകൊടുത്തില്ല. പ്രതിഫലമൊന്നും പ്രതീക്ഷിക്കാതെ അദ്ദേഹം മകനൊപ്പം നിലകൊണ്ടു. സ്നേഹത്തെ ഒരു കടമ്പയോ ബാധ്യതയോ ആക്കി മാറ്റാതിരിക്കുക എന്നതായിരുന്നു അത്. മാതാപിതാക്കളുടെ പിന്തുണ കാരണം കുട്ടികൾക്ക് ഒരിക്കലും കുറ്റബോധം തോന്നരുത്. അതാണ് ഏറ്റവും ശക്തമായ പിന്തുണ.
ഗ്രാന്റോളി എന്ന പ്രാദേശിക ക്ലബ്ബിൽ മെസ്സിയുടെ ആദ്യകാല പരിശീലകനായിരുന്നു ഹോർഹെ. പിന്നീട് മകന്റെ കരിയറും കരാറുകളും കൈകാര്യം ചെയ്യുന്ന ഏജന്റായി അദ്ദേഹം മാറി. ഒരു ഫുട്ബോൾ കോച്ചിൽ നിന്ന് വിശ്വസ്തനായ ഉപദേശകനിലേക്കുള്ള ആ മാറ്റം വളരെ തടസ്സമില്ലാത്തതായിരുന്നു. എപ്പോൾ നയിക്കണം, എപ്പോൾ കൂടെ നടക്കണം എന്ന് അദ്ദേഹം കൃത്യമായി മനസ്സിലാക്കി. കുട്ടികളുടെ കാര്യത്തിൽ എത്രത്തോളം ഇടപെടണം, എപ്പോൾ സ്വാതന്ത്ര്യം നൽകണം എന്ന് തിരിച്ചറിയുന്നതാണ് ഏതൊരു രക്ഷിതാവും നേരിടുന്ന ഏറ്റവും വലിയ വെല്ലുവിളി.
ഹോർഹെയുടെ ആരോഗ്യസ്ഥിതിയെക്കുറിച്ചുള്ള ഊഹാപോഹങ്ങളെ മെസ്സി ശക്തമായി എതിർക്കുകയും മാതാപിതാക്കളുടെ സ്വകാര്യതയെ മാനിക്കണമെന്ന് മാധ്യമങ്ങളോട് അഭ്യർത്ഥിക്കുകയും ചെയ്തിരുന്നു. രോഗാവസ്ഥയിൽ പോലും മാന്യതയും അതിർവരമ്പുകളും കാത്തുസൂക്ഷിക്കാൻ ആ കുടുംബത്തിന് കഴിഞ്ഞു. സോഷ്യൽ മീഡിയയിൽ എല്ലാം പരസ്യമാക്കുന്ന ഈ കാലത്ത്, സ്നേഹവും കരുതലുകളും പ്രകടിപ്പിക്കാൻ ഒരു വലിയ ജനക്കൂട്ടത്തിന്റെയോ പ്രേക്ഷകരുടെയോ ആവശ്യമില്ലെന്ന് അവർ തെളിയിച്ചു.
വെറുമൊരു പിന്തുണക്കാരൻ എന്നതിലുപരി, മകന്റെ ഇതിഹാസതുല്യമായ കരിയറിന്റെ ശക്തമായ തൂണായിരുന്നു ഹോർഹെ മെസ്സി. മക്കളിലൂടെ സ്വന്തം ആഗ്രഹങ്ങൾ സാക്ഷാത്കരിക്കാൻ ശ്രമിക്കുന്ന നിർബന്ധബുദ്ധിക്കാരനായ അച്ഛനായിരുന്നില്ല അദ്ദേഹം. ശാന്തനായി, ഉറച്ചുനിന്ന്, മകന് ആകാൻ കഴിയുന്നതിന്റെ പരമാവധി ഉയരങ്ങളിലേക്ക് എത്താൻ ആവശ്യമായ അന്തരീക്ഷമൊരുക്കുക മാത്രമാണ് അദ്ദേഹം ചെയ്തത്.
മെസ്സി നേടിയ ഓരോ ബാലൺ ഡി ഓറിന് പിന്നിലും ഒപ്പം ചേർന്നുനിന്ന ഒരച്ഛനുണ്ട്. മെസ്സിയുടെ ഓരോ ലോകകപ്പ് ഗോളിന് പിന്നിലും മകനെ വിശ്വസിച്ച ആ അച്ഛന്റെ പ്രതീക്ഷയുണ്ട്. പിന്നോട്ടില്ലെന്ന് അദ്ദേഹമെടുത്ത തീരുമാനത്തിലാണ് മെസ്സി മെസ്സിയായത്. സ്പോട്ട്ലൈറ്റുകളെ അദ്ദേഹം ഇഷ്ടപ്പെട്ടിരുന്നില്ലായിരിക്കാം, പക്ഷേ മെസ്സിയ്ക്കൊപ്പം തന്നെ നിങ്ങളെയും ഞങ്ങൾ സ്നേഹിച്ചിരുന്നു ഹോർഹെ- വിട.
August 8. The football world is mourning the man who was often seen only in the stands, quietly hiding his joy and pride behind a smile each time Argentina found the back of the net. Jorge Messi, the father of football legend Lionel Messi, has passed away at the age of 68.
Jorge Messi was not merely the father of one of the greatest footballers the world has ever seen. He was an extraordinary man who embodied a father's unwavering determination and played a crucial role in shaping Leo into the Messi the world knows today. When Messi broke down in tears on the pitch after Argentina's victory over Algeria at the 2026 World Cup, it was his father he was thinking of. The difficult days Messi later spoke about were those when his father was battling for his life.