ഹോളിവുഡിന്റെ വലിയ സ്റ്റുഡിയോകളെയും നൂറുകണക്കിന് കോടികള് മുടക്കി നിര്മ്മിക്കുന്ന സൂപ്പര്ഹീറോ ചിത്രങ്ങളെയും അമ്പരപ്പിച്ചുകൊണ്ട് ഒരു 20-കാരന് ബോക്സ് ഓഫീസില് പുതിയ ചരിത്രമെഴുതുകയാണ്. പരമ്പരാഗത സിനിമാ നിര്മ്മാണ രീതികളെ കാറ്റില്പ്പറത്തിക്കൊണ്ട്, യൂട്യൂബില് നിന്ന് വളര്ന്നുവന്ന കെയ്ന് പാര്സണ്സ് എന്ന ഇരുപതുകാരന് സംവിധാനം ചെയ്ത 'ബാക്ക്റൂംസ്' എന്ന സൈന്സ് ഫിക്ഷന് ഹൊറര് ചിത്രമാണ് ഇപ്പോള് ആഗോള ബോക്സ് ഓഫീസില് തരംഗമായി മാറിയിരിക്കുന്നത്.
വെറും 10 മില്യണ് ഡോളര് (ഏകദേശം 83 കോടി രൂപ) ബജറ്റിൽ പ്രശസ്ത ഹോളിവുഡ് നിര്മ്മാണ കമ്പനിയായ എ24 ഒരുക്കിയ ഈ ചിത്രം ആദ്യ വാരം തന്നെ ആഗോളതലത്തില് വാരിക്കൂട്ടിയത് 118 മില്യണ് ഡോളറാണ്! അതായത് റിലീസ് ചെയ്ത് ദിവസങ്ങള്ക്കകം തന്നെ മുടക്കുമുതലിന്റെ 11 ഇരട്ടിയിലധികം (1000 കോടിയിലധികം രൂപ) നേടി ഈ കൊച്ചുചിത്രം ഹോളിവുഡിനെ ഞെട്ടിച്ചിരിക്കുന്നു
ഡിസ്നിയുടെ വമ്പന് ചിത്രങ്ങളെയും പിന്നിലാക്കി റെക്കോര്ഡ് വേട്ട
വടക്കേ അമേരിക്കയിലെ 3,442 തിയേറ്ററുകളില് റിലീസ് ചെയ്ത 'ബാക്ക്റൂംസ്', ആദ്യ വാരം തന്നെ 81.5 മില്യണ് ഡോളര് നേടിക്കൊണ്ടാണ് യു.എസ് ബോക്സ് ഓഫീസില് ഒന്നാമതെത്തിയത്. പ്രശസ്ത സംവിധായകന് ജോണ് ഫാവ്റോയുടെ 'സ്റ്റാര് വാര്സ്' സ്പിന്-ഓഫ് ചിത്രമായ 'ദി മണ്ഡലോറിയന് ആന്ഡ് ഗ്രോഗു' എന്ന വലിയ ഡിസ്നി ചിത്രത്തെപ്പോലും രണ്ടാം സ്ഥാനത്തേക്ക് തള്ളിയാണ് ഈ ഇരുപതുകാരന്റെ ചിത്രം ഒന്നാമതെത്തിയതെന്നത് സിനിമാലോകത്തെ അമ്പരപ്പിക്കുന്നു.
ഈ വിജയത്തോടെ ഹോളിവുഡിലെ പ്രമുഖ സ്റ്റുഡിയോയായ എ24ന്റെ 18 വര്ഷത്തെ ചരിത്രത്തിലെ ഏറ്റവും വലിയ ആദ്യ ആഴ്ച കളക്ഷന് എന്ന റെക്കോര്ഡ് ഇനി 'ബാക്ക്റൂംസിന്' സ്വന്തമാണ്. അലക്സ് ഗാര്ലാന്ഡിന്റെ വമ്പന് ചിത്രമായ 'സിവില് വാര്' നേടിയ 25.5 മില്യണ് ഡോളറിന്റെ റെക്കോര്ഡാണ് ഈ ചിത്രം തകര്ത്തത്. ഇതിനുപുറമെ, ആഗോള ബോക്സ് ഓഫീസില് ഒന്നാം സ്ഥാനത്ത് എത്തുന്ന ലോകത്തിലെ ഏറ്റവും പ്രായം കുറഞ്ഞ സംവിധായകന് എന്ന പദവിയും കെയ്ന് പാര്സണ്സ് സ്വന്തമാക്കി.
മുറിയിലിരുന്ന് വിഷ്വല് എഫക്ട്സ് ചെയ്ത യൂട്യൂബര്
ഇന്റര്നെറ്റ് ലോകത്ത് 'കെയ്ന് പിക്സല്സ്' എന്ന പേരില് അറിയപ്പെടുന്ന പാര്സണ്സ്, 2022-ല് തന്റെ 17-ാം വയസ്സിലാണ് 'ബാക്ക്റൂംസ്' എന്ന വെബ് സീരീസ് യൂട്യൂബില് ആരംഭിക്കുന്നത്. തികച്ചും സൗജന്യമായി ലഭിക്കുന്ന 'ബ്ലെന്ഡര്'എന്ന 3ഡി സോഫ്റ്റ്വെയര് ഉപയോഗിച്ച് സ്വന്തം മുറിയിലിരുന്നാണ് അവന് ഇതിന്റെ വിഷ്വല് എഫക്ട്സ് മുഴുവന് ഒരുക്കിയത്. വെബ് ലോകത്ത് തരംഗമായ ഈ ഹൊറര് സീരീസ് 200 മില്യണിലധികം ആളുകളാണ് യൂട്യൂബില് കണ്ടത്.
എ24 സ്റ്റുഡിയോയിലെ ഒരു ഉദ്യോഗസ്ഥന്റെ മകന് വഴി ഈ വൈറല് സീരീസ് സ്റ്റുഡിയോ അധികൃതരുടെ ശ്രദ്ധയില്പ്പെടുകയും, കെയ്നിലെ പ്രതിഭയെ വിശ്വസിച്ച് അവര് ഇതൊരു വലിയ ഫീച്ചര് സിനിമയാക്കാന് അവസരം നല്കുകയുമായിരുന്നു. തീയേറ്ററുകളില് വലിയ തരംഗം സൃഷ്ടിച്ച 'ഒബ്സെഷന്' എന്ന ചിത്രത്തിന് ശേഷം യൂട്യൂബ് ക്രിയേറ്റര്മാര് ഹോളിവുഡ് ബോക്സ് ഓഫീസ് ഭരിക്കുന്ന കാഴ്ചയ്ക്കാണ് ഇപ്പോള് ലോകം സാക്ഷ്യം വഹിക്കുന്നത്.
പ്രശംസയുമായി സഹപ്രവര്ത്തകര്
ഓസ്കാര് നാമനിര്ദ്ദേശം ലഭിച്ച ചിവെറ്റല് എജിയോഫോര് പ്രധാന വേഷത്തിലെത്തുന്ന ചിത്രം ഒരു ഫര്ണിച്ചര് കടയുടമ തന്റെ വീടിന്റെ പിന്ഭാഗത്ത് അനന്തമായ ഇടങ്ങളുള്ള ഒരു വിചിത്രമായ മാനം (Dimension) കണ്ടെത്തുന്നതിനെക്കുറിച്ചാണ് പറയുന്നത്. കേവലം ഒരു ഹൊറര് സിനിമ എന്നതിനപ്പുറം, മനുഷ്യന്റെ മാനസിക സംഘര്ഷങ്ങളെയും ഈ ചിത്രം പ്രതീകാത്മകമായി ദൃശ്യവല്ക്കരിക്കുന്നുണ്ട്. സിനിമയിലെ മറ്റൊരു പ്രധാന നടനായ മാര്ക്ക് ഡുപ്ലാസ് കെയ്ന് പാര്സണ്സിനെ പ്രശംസിച്ച് രംഗത്തെത്തിയിരുന്നു. സ്വന്തമായി ഒരു ആശയവും കഠിനാധ്വാനവും ഉണ്ടെങ്കില് വലിയ സ്റ്റുഡിയോകളുടെയോ കോടികളുടെയോ പിന്ബലമില്ലാതെ തന്നെ ലോകം കീഴടക്കാമെന്ന് തെളിയിച്ചിരിക്കുകയാണ് കെയ്ന് പാര്സണ്സ് എന്ന ഈ ഇരുപതുകാരന്.
Astonishing Hollywood's major studios and superhero films made on budgets of hundreds of crores, a 20-year-old is writing a new history at the box office. Throwing conventional filmmaking methods to the wind, 'The Backrooms', a science fiction horror film directed by 20-year-old Kane Parsons—who grew out of YouTube—is now creating a wave at the global box office.
Produced by the famous Hollywood production company A24 on a budget of just 10 million dollars (approximately ₹83 crores), the film raked in a whopping 118 million dollars globally in its very first week! In other words, within days of its release, this small-scale film has shocked Hollywood by earning over 11 times its budget (more than ₹1,000 crores).