ഷൂട്ടിംഗ് ഇല്ലാതിരുന്നിട്ടും എന്തിനാണ് ഹാഷിറിനെ ജോർജിയയിലേക്ക് കൊണ്ടുപോയത്?; മറുപടിയായി സോഷ്യൽ മീഡിയ ചിത്രങ്ങൾ

മലയാള സിനിമയിൽ പുതുമുഖങ്ങളെ അണിനിരത്തി വിസ്മയം തീർത്ത 'വാഴ 2' ബോക്സ് ഓഫീസിൽ കുതിപ്പ് തുടരുകയാണ്. വിജയത്തോടൊപ്പം തന്നെ ഇപ്പോൾ സോഷ്യൽ മീഡിയയിൽ തരംഗമാകുന്നത് ജോർജിയയിലെ ലൊക്കേഷൻ ചിത്രങ്ങളാണ്. ചിത്രത്തിൽ ജോർജിയൻ ഷെഡ്യൂളിൽ ഹാഷിറിന് റേളുണ്ടായിരുന്നില്ല. എന്നിട്ടും ഹാഷിർ എന്തിനാണ് വിദേശത്തേക്ക് പോയതെന്ന ആരാധകരുടെ ചോദ്യത്തിന് ഇപ്പോൾ ഉത്തരമായിരിക്കുകയാണ്. ചിത്രത്തിന്റെ അണിയറയിൽ ക്യാമറ അസിസ്റ്റന്റായും ലൈറ്റ് ബോയിയായും താരം ജോലി ചെയ്യുന്ന ഫോട്ടോകളാണ് പുറത്തുവന്നിരിക്കുന്നത്. കേവലം ഒരു നടൻ എന്നതിലുപരി സിനിമയുടെ നിർമ്മാണത്തിൽ എല്ലാ മേഖലയിലും സജീവമാകുന്ന ഹാഷിറിനെ കണ്ട് അത്ഭുതപ്പെട്ടിരിക്കുകയാണ് ആരാധകർ.

ഇൻസ്റ്റാഗ്രാം റീലുകളിലൂടെ സുപരിചിതരായ അലൻ, വിനായക് എന്നിവർക്ക് പിന്തുണ നൽകാനാണ് ഹാഷിർ കൂടെ പോയതെന്നാണ് സിനിമാ വൃത്തങ്ങൾ സൂചിപ്പിക്കുന്നത്. ഷൂട്ടിംഗ് ഇല്ലാതിരുന്നിട്ടും ഒരു നടനെ വിദേശത്തേക്ക് കൊണ്ടുപോകാൻ തയ്യാറായ നിർമ്മാതാക്കളുടെ മനസിന് സോഷ്യൽ മീഡിയ കൈയ്യടിക്കുകയാണ്. തമാശകൾക്ക് പുറമെ ഇമോഷണൽ രംഗങ്ങളും തനിക്ക് വഴങ്ങുമെന്ന് ഹാഷിർ ഇതിനോടകം തെളിയിച്ചു കഴിഞ്ഞു. ദേവരാജ്, വേദ ശങ്കർ എന്നിവർക്കൊപ്പം ബിജുക്കുട്ടൻ, സുധീഷ് തുടങ്ങിയ പരിചയസമ്പന്നരായ താരങ്ങളും ചിത്രത്തിൽ മികച്ച പ്രകടനമാണ് കാഴ്ചവെച്ചിരിക്കുന്നത്.

സോഷ്യൽ മീഡിയ താരങ്ങളെ മാത്രം വെച്ച് സിനിമ ചെയ്താൽ വിജയിക്കുമോ എന്ന് സംശയിച്ചവർക്കുള്ള മറുപടിയാണ് 'വാഴ 2'വിന്റെ വിജയം. ബിഗ് ബജറ്റോ വലിയ താരനിരയോ ഇല്ലാതെ തന്നെ മികച്ച ഉള്ളടക്കമുണ്ടെങ്കിൽ പ്രേക്ഷകർ സിനിമയെ നെഞ്ചിലേറ്റുമെന്ന് ഈ ചിത്രം തെളിയിക്കുന്നു. ഇൻസ്റ്റാഗ്രാം റീലുകളിൽ നിന്നും വെള്ളിത്തിരയിലെത്തി ബോക്സ് ഓഫീസിനെ വിറപ്പിക്കാൻ തങ്ങൾക്ക് കഴിയുമെന്ന് ഈ യുവനിര തെളിയിച്ചു കഴിഞ്ഞു.

English Summary: Hashir has gone viral after photos showed him working behind the scenes during the Georgia schedule of Vaazha 2, despite having no acting scenes. His dedication as a crew member impressed fans. The film’s success also highlights the growing influence of social media talents in cinema.