അന്തരിച്ച പ്രശസ്ത തമിഴ് സംവിധായകനും നടനുമായ കെ. ഭാഗ്യരാജിന്റെ ഭൗതികശരീരം വീട്ടിലെത്തിച്ചപ്പോൾ മാധ്യമങ്ങളുടെ പെരുമാറ്റത്തിൽ കടുത്ത അമർഷം പ്രകടിപ്പിച്ച് നടി രാധിക ശരത്കുമാർ. ഭാഗ്യരാജിന്റെ മൃതദേഹത്തിന്റെ ദൃശ്യങ്ങൾ പകർത്താൻ ക്യാമറകളുമായി മാധ്യമപ്രവർത്തകർ കൂട്ടത്തോടെ ഇരച്ചുകയറിയതാണ് നടിയെ പ്രകോപിപ്പിച്ചത്
"സിനിമ ഞങ്ങളുടെ തൊഴിലാണ്, പക്ഷേ അതിനപ്പുറം ഞങ്ങളും മനുഷ്യരാണ്. ടിആർപി റേറ്റിങ്ങിനു വേണ്ടിയുള്ള നാടകങ്ങളാണ് നിങ്ങൾക്കാവശ്യമെങ്കിൽ അത് ഞാൻ സിനിമയിലൂടെ തരാം. ദയവായി ഈയൊരു സമയത്ത് ഞങ്ങൾക്ക് കുറച്ച് സ്വകാര്യത നൽകൂ," എന്ന് കൈകൂപ്പി രാധിക മാധ്യമങ്ങളോട് പറഞ്ഞു.
ശനിയാഴ്ച രാവിലെ ഹൃദയാഘാതത്തെ തുടർന്ന് അന്തരിച്ച കെ ഭാഗ്യരാജിന്റെ (73) ഭൗതികശരീരം ആശുപത്രി നടപടികൾക്കുശേഷം ചെന്നൈയിലെ വസതിയിൽ എത്തിച്ചപ്പോഴാണ് നാടകീയ രംഗങ്ങളുണ്ടായത്. ആംബുലൻസിൽനിന്നു മൃതദേഹം പുറത്തെടുക്കാൻ ശ്രമിക്കുന്നതിനിടെയാണ് ക്യാമറകളുമായി മാധ്യമങ്ങൾ ചുറ്റും കൂടിയത്. അച്ഛന്റെ വിയോഗത്തിൽ തകർന്നുപോയ മകൻ ശാന്തനു ഭാഗ്യരാജിനെ രാധികയും മറ്റുള്ളവരും ചേർന്നാണ് ആശ്വസിപ്പിച്ച് അകത്തേക്ക് കൂട്ടിക്കൊണ്ടുപോയത്
തമിഴ് സിനിമയിലെ 'തിരക്കഥാ മന്നൻ' എന്നറിയപ്പെടുന്ന കെ. ഭാഗ്യരാജിന്റെ വിയോഗം തെന്നിന്ത്യൻ സിനിമാലോകത്തെയാകെ കണ്ണീരിലാഴ്ത്തിയിരിക്കുകയാണ്. 'മുന്താണൈ മുടിച്ച്', 'അന്ത ഏഴു നാട്കൾ', 'മൗന ഗീതങ്ങൾ' തുടങ്ങി തമിഴ് സിനിമയുടെ ചരിത്രം മാറ്റിയെഴുതിയ ഒട്ടനവധി ചിത്രങ്ങളുടെ സംവിധായകനും തിരക്കഥാകൃത്തും നടനുമാണ് അദ്ദേഹം. 'ഭാമ രുക്മിണി', 'ഇന്ദ്രു പോയ് നാളൈ വാ' തുടങ്ങിയ ഹിറ്റ് ചിത്രങ്ങളിൽ ഭാഗ്യരാജിനൊപ്പം രാധികയും പ്രധാന വേഷങ്ങളിൽ അഭിനയിച്ചിട്ടുണ്ട്
Actress Radhika Sarathkumar appealed to the media to respect the family's privacy during the final rites of veteran filmmaker and actor K. Bhagyaraj. She expressed frustration over reporters crowding around to capture visuals as his mortal remains were brought home.