യുഎസിൽ തുടർക്കഥയായി വിമാനാപകടങ്ങൾ. ഇന്നലെ മിസോറിയിലുണ്ടായ അപകടത്തിൽ 11 സ്കൈഡൈവർമാരും ഒരു പൈലറ്റും കൊല്ലപ്പെട്ടതിന് പിന്നാലെ ഇന്ന് കലിഫോർണിയയിലും ആകാശദുരന്തം. തെക്കൻ കലിഫോർണിയയിലെ എയർഫോഴ്സ് ബേസിൽ നിന്ന് പറന്നുയർന്ന വിമാനം തകർന്നുവീണ് 8 പേർ മരിച്ചു. ബി-52 ബോംബർ വിമാനമാണ് അപകടത്തിൽപ്പെട്ടത്.
പ്രാദേശിക സമയം തിങ്കളാഴ്ച രാവിലെ 11ഓടെയായിരുന്നു അപകടം. എഡ്വേർഡ്സ് എയർഫോഴ്സ് ബേസിൽ പരീക്ഷണദൌത്യത്തിനായി പറന്നുയർന്ന വിമാനം ടേക്ക് ഓഫ് ചെയ്തതിന് തൊട്ടുപിന്നാലെ തകർന്നുവീഴുകയായിരുന്നു. സൈനിക ഉദ്യോഗസ്ഥർ, സർക്കാർ-സിവിലിയൻ ജീവനക്കാർ, പ്രതിരോധ കരാറുകാർ എന്നിവരടങ്ങിയ സംഘമാണ് വിമാനത്തിലുണ്ടായിരുന്നത്. ഇവരെല്ലാവരും തന്നെ മരിച്ചതായി യു.എസ് എയർഫോഴ്സ് സ്ഥിരീകരിച്ചിട്ടുണ്ട്. അപകടത്തെ തുടർന്നുയർന്ന പുകപടലം മൈലുകൾക്കകലെ നിന്നുവരെ ദൃശ്യമായിരുന്നതായാണ് വിവരം. അപകടത്തിന്റെ കാരണം വ്യക്തമല്ല.
ബേസിലെ റഡാർ സംവിധാനത്തിന്റെ നവീകരണവുമായി ബന്ധപ്പെട്ട ഒരു പരീക്ഷണപ്പറക്കലിന്റെ ഭാഗമായായിരുന്നു ദൌത്യം.
1950 മുതൽ യു.എസ് സൈന്യം ഉപയോഗിച്ചുവരുന്നതാണ് ബി-52 സ്ട്രാറ്റോഫോർട്രസ് എന്ന ബോംബർ വിമാനം. ബിഗ് അഗ്ളി ഫാറ്റ് എന്നത് ചുരുക്കി ദി ബഫ് എന്നായിരുന്നു ഈ വിമാനത്തെ വിശേഷിപ്പിച്ചിരുന്നത്.
ഇറാനുമായുള്ള യുദ്ധത്തിൽ ബോംബുകൾക്കായുള്ള പരിശോധന യു.എസ് പ്രധാനമായും നടത്തിയിരുന്നത് ബി-52 ബോംബറുകളുപയോഗിച്ചായിരുന്നു. 50,000 അടി ഉയരം വരെ പറക്കാൻ ശേഷിയുള്ള ഈ ഭീമൻ ബോംബറിന് (വാണിജ്യ വിമാനങ്ങൾ സാധാരണയായി 35,000 അടി ഉയരത്തിലാണ് പറക്കുന്നത്) 70,000 പൗണ്ട് ഭാരമുള്ള പേലോഡ് വഹിക്കാൻ കഴിയും. ഇതിൽ നൂറുകണക്കിന് പരമ്പരാഗത ബോംബുകളും 32 ആണവ ക്രൂയിസ് മിസൈലുകളും ഉൾപ്പെടാം.
ഇതിന് ആകാശത്തുവെച്ച് തന്നെ ഇന്ധനം നിറയ്ക്കാൻ കഴിയും. ശീതയുദ്ധകാലത്ത്, പരസ്പര ഉറപ്പുള്ള നാശം (Mutually Assured Destruction) എന്ന ആശയത്തിന്റെ കാലഘട്ടത്തിൽ, ഇത് അമേരിക്കയ്ക്ക് ഒരു "ആണവ സംരക്ഷണ കവചം തന്നെ സൃഷ്ടിച്ചിരുന്നു.
English Summary: A series of plane crashes continues in the US. Following yesterday's crash in Missouri that reportedly killed 11 skydivers and a pilot, another air tragedy has been reported today in California. Eight people were killed when an aircraft that took off from an Air Force base in Southern California crashed. The aircraft involved was a B-52 bomber.
The crash occurred at around 11 a.m. local time on Monday. The aircraft had taken off from Edwards Air Force Base on a test mission and crashed shortly after takeoff. Those on board included military personnel, government civilian employees, and defense contractors. The US Air Force has confirmed that all of them died in the crash.