അഞ്ച് മത്സരങ്ങളുള്ള ടി 20 പരമ്പര, മൂന്ന് മത്സരങ്ങള്‍ വിജയിച്ച് ഇന്ത്യന്‍ യുവനിര കിരീടം ചൊവ്വാഴ്ചയിലെ മത്സരത്തോടെ കിരീടം ഉറപ്പിച്ചുകഴിഞ്ഞു. അഭിഷേക് ശര്‍മയും വൈഭവ് സൂര്യവന്‍ശിയും തകര്‍ത്തടിച്ച മൂന്നാം മത്സരം ഇന്ത്യ അനായാസം സ്വന്തമാക്കി. മൂന്ന് മത്സരങ്ങളിലും ന്യീസിലന്‍ഡ് ഉയര്‍ത്തിയ ലക്ഷ്യം പിന്തുടര്‍ന്നാണ് ഇന്ത്യ വിജയം കൈപ്പിടിയില്‍ ഒതുക്കിയത്. ഇതുള്‍പ്പെടെ മൂന്ന പൊതു ഘടകങ്ങളായിരുന്നു മത്സരങ്ങളില്‍ പ്രധാനമായുണ്ടായിരുന്നത്. ലക്ഷ്യം നേടാന്‍ കാണിച്ച കാര്യക്ഷമത, പവര്‍പ്ലേയില്‍ ലഭിച്ച മികച്ച തുടക്കം, നമന്‍ ധീറിന്റെ നിര്‍ണായകമായ ഇന്നിങ്സുകള്‍, ഏത് പ്രതിസന്ധിയില്‍ നിന്നും കരകയറാന്‍ കഴിയുമെന്ന ടീമിന്റെ ആത്മവിശ്വാസം. എന്നിവയായിരുന്നു ഇതില്‍ പ്രധാനം.
എന്നാല്‍, മൂന്ന് വിജയങ്ങളും വ്യത്യസ്തമായിരുന്നു. ടീം എന്ന നിലയിലുള്ള കൂട്ടായ്മയും സാഹചര്യങ്ങളുമായി പൊരുത്തപ്പെടാനുള്ള കഴിവുമാണ് ഇതില്‍ പ്രകടമാകുന്നത്. ലക്ഷ്യവും രീതികളും ഒന്നായിരുന്നെങ്കിലും, അതിലേക്കുള്ള വഴികള്‍ വ്യത്യസ്തമായിരുന്നു.
ന്യൂസിലന്‍ഡിലെ പിച്ചുകളില്‍ ഇന്ത്യന്‍ ബാറ്റര്‍മാര്‍ക്ക് ചുവട് പിഴക്കുമെന്നായിരുന്നു നേരത്തെയുള്ള വിലയിരുത്തലുകള്‍. എന്നാല്‍ അത് ഉണ്ടായില്ലെന്നതാണ് ഇന്ത്യന്‍ മുന്നേറ്റത്തിന്റെ അടിസ്ഥാനം. ആതിഥേയരായ ന്യൂസിലാന്‍ഡ് 225 റണ്‍സ് നേടിയ മത്സരത്തില്‍ ആദ്യ രണ്ട് ഓവറുകളില്‍ പന്ത് അപകടകരമാംവിധം സ്വിംഗ് ചെയ്തു. ക്രീസില്‍ സഞ്ജു സാംസണും അഭിഷേക് ശര്‍മ്മയും പ്രതിരോധിച്ചു. 5.4 ഓവറുകളില്‍ നിന്നായി സഖ്യം അടിച്ചുകൂട്ടിയത് 93 റണ്‍സ് ആയിരുന്നു. വെറും 23 പന്തുകളില്‍ സഞ്ജു അര്‍ദ്ധസെഞ്ച്വറി തികച്ചു.
അനാവശ്യ റിസ്‌കുകള്‍ ഒഴിവാക്കി, തനിക്ക് വഴങ്ങുന്ന ഷോട്ടുകളില്‍ മാത്രം ശ്രദ്ധ കേന്ദ്രീകരിച്ചായിരുന്നു സഞ്ജുവിന്റെ പ്രകടനം. പേസര്‍മാരെ കവര്‍, മിഡ്വിക്കറ്റ് ഷോട്ടുകളിലൂടെ നേരിട്ടപ്പോള്‍ സ്പിന്നര്‍മാരെ മിഡ്വിക്കറ്റ് ദിശയിലേക്ക് പായിച്ചായിരുന്നു സഞ്ജുവിന്റെ ബാങ്ങ്.
ഇന്ത്യ കാത്തിരുന്ന താരം, നമന്‍ ധീര്‍
ഏറെ നാളായി ഇന്ത്യന്‍ ടീം കാത്തിരുന്ന താരം, ഈ പ്രതീക്ഷക്ക് കരുത്ത് പകരുന്ന പ്രകടനമായിരുന്നു പരമ്പരയില്‍ നമന്‍ ധീര്‍ നല്‍കിയത്. സഞ്ജു പുറത്തായി അല്‍പം സമ്മര്‍ദം നേരിട്ട് നില്‍ക്കുന്ന നിലയില്‍ ക്രീസിലെത്തിയ മത്സരത്തില്‍ നമന്‍ ധീര്‍ കാഴ്ച വച്ച പ്രകടനം ഏറെ ശ്രദ്ധേയമാണ്. ഐപിഎല്‍ മത്സരങ്ങളില്‍ മികവ് തെളിയിച്ച നമന്‍ ധീറിന് ഇത്തരം വെല്ലുവിളികള്‍ ആദ്യമല്ലെന്ന് വ്യക്തമാക്കുന്നതായിരുന്നു പിന്നീടുള്ള ബാറ്റിങ്. 15 പന്തില്‍ 42 റണ്‍സ് അടിച്ചുകൂട്ടിക്കൊണ്ട് അദ്ദേഹം തന്റെ കഴിവ് തെളിയിച്ചു.
വിജയിക്കണമെന്ന ദൃഢനിശ്ചയത്തോടെ ബാറ്റേന്തുന്ന തിലക് വര്‍മ്മയും ഇന്ത്യന്‍ പ്രതീക്ഷകള്‍ക്ക് കരുത്ത് പകരുന്ന താരമാണ്. മത്സരങ്ങളില്‍ ഒന്നില്‍ അഞ്ച് വിക്കറ്റുകള്‍ നഷ്ടപ്പെട്ട ഇന്ത്യയ്ക്ക് 54 പന്തുകളില്‍ നിന്ന് 110 റണ്‍സ് ആയിരുന്നു വിജയിക്കാന്‍ വേണ്ടിയിരുന്നത്. അതീവ ദുഷ്‌കരമായ ലക്ഷ്യത്തെ വിജയിക്കണമെന്ന ദൃഢനിശ്ചയത്തോടെ തിലക് വര്‍മ്മ നിലയുറപ്പിച്ചതായിരുന്നു ഇന്ത്യന്‍ ഇന്നിങ്‌സിന് കരുത്തായത്.
തീയാകുന്ന അഭിഷേക്
ഇന്നിങ്‌സ് ഓപ്പണ്‍ ചെയ്യാന്‍ ഇന്ത്യന്‍ നിരയില്‍ താരങ്ങള്‍ തമ്മില്‍ മത്സരമാണ്. അവസരത്തിനായി കാത്തിരിക്കുന്ന, മികച്ച പ്രകടനം കാഴ്ചവെക്കാന്‍ ശേഷിയുള്ള അര ഡസനോളം ഓപ്പണര്‍മാരാണ് ടീമിലുള്ളത്. മൂന്നാം മത്സരത്തില്‍ വൈഭവ് സൂര്യവംശിക്കായിരുന്നു അവസരം. 19 പന്തുകളില്‍ നിന്ന് 44 റണ്‍സ് അടിച്ചുകൂട്ടി. എന്നാല്‍, മത്സരത്തിലെ പ്രധാന ആകര്‍ഷണം അഭിഷേക് ശര്‍മ്മയായിരുന്നു. അവിശ്വസനീയമാംവിധം ന്യൂസിലന്‍ഡ് ബൗളിങ് നിരയില്‍ നാശം വിതച്ചായിരുന്നു അഭിഷേക് നിറഞ്ഞാടിയത്.
ആദ്യ ഓവറില്‍ അഭിഷേക് - സൂര്യവന്‍ശി കൂട്ടുകെട്ട് 26 റണ്‍സ് അടിച്ചുകൂട്ടിയതോടെ ശര്‍മ്മ കളി പൂര്‍ണ്ണമായും തന്റെ നിയന്ത്രണത്തിലാക്കി കുതിച്ചു. ഒരു ഓപ്പണിംഗ് ഓവറില്‍ നേടുന്ന ഏറ്റവും ഉയര്‍ന്ന സ്‌കോറുകളില്‍ ഒന്നായിരുന്നു ഇത്.
പവര്‍പ്ലേ അവസാനിച്ചപ്പോഴേക്കും, വിജയലക്ഷ്യത്തിന്റെ പകുതിയിലധികവും ഇന്ത്യ പിന്നിടുകയും ചെയ്തു. വെറും 35 പന്തുകളില്‍ സെഞ്ച്വറി തികച്ച അദ്ദേഹം, സമകാലിക ക്രിക്കറ്റിലെ ഏറ്റവും ഭയക്കേണ്ട ടി20 ഓപ്പണര്‍ താനാണെന്ന് ഒരിക്കല്‍ കൂടി തെളിയിക്കുകയായിരുന്നു.
India’s young team secured the five-match T20 series after winning three matches, with the title confirmed following Tuesday’s game. India comfortably won the third match, powered by aggressive batting from Abhishek Sharma and Vaibhav Suryavanshi. The team’s success across the first three matches was built on successful run chases against New Zealand, strong powerplay starts, crucial contributions from Naman Dhir, and the confidence to recover from difficult situations.