ഏഷ്യന്‍ ഗെയിംസ് പതിനാലാം ദിനത്തില്‍ മെഡല്‍പട്ടികയില്‍ ഇന്ത്യന്‍ കുതിപ്പ്. അഞ്ച് സ്വര്‍ണങ്ങളാണ് ഇന്ന് മാത്രം ഇന്ത്യന്‍ താരങ്ങള്‍ സ്വന്തമാക്കിയത്. അങ്കിത ഭകത്, കീര്‍ത്തി, കുമ്കും അനില്‍ മോഹോഡ് എന്നിവര്‍ ദക്ഷിണ കൊറിയയെ തോല്‍പ്പിച്ച് അമ്പെയ്ത്തില്‍ സ്വര്‍ണം വനിതാ റികര്‍വ് ടീം ആണ് ഇന്നത്തെ ആദ്യ സ്വര്‍ണം സ്വന്തമാക്കിയത്. ഏഷ്യന്‍ ഗെയിംസിലെ ഈ ഇനത്തില്‍ ഇന്ത്യയുടെ ആദ്യ സ്വര്‍ണമാണിത്.
ഇടിക്കൂട്ടില്‍ ആയിരുന്നു ഇന്ത്യയുടെ രണ്ടാമത്തെ സ്വര്‍ണം പിറന്നത്. വനിതകളുടെ 75 കിലോഗ്രാം ബോക്‌സിങ്ങില്‍ ചൈനയുടെ ബാവോ സിയിയെ തോല്‍പ്പ് ലവ്ലിന ബോര്‍ഗോഹെയ്ന്‍ സ്വര്‍ണം സ്വന്തമാക്കി. 2014-ല്‍ ഇതിഹാസ താരം മേരി കോമിന് ശേഷം ഏഷ്യന്‍ ഗെയിംസില്‍ വനിതാ ബോക്‌സിങ്ങില്‍ സ്വര്‍ണം നേടുന്ന ഇന്ത്യന്‍ താരമായും ലവ്ലിന മാറി.
വനിതകളുടെ 65 കിലോ ബോക്‌സിങ് വിഭാഗത്തില്‍ പര്‍വീണ്‍ ഹൂഡയാണ് ഇന്ത്യയുടെ ഇന്നത്തെ മൂന്നാം സ്വര്‍ണം സ്വന്തമാക്കിയത്. ചൈനീസ് തായ്പേയിയുടെ ചെന്‍ നിയെന്‍-ചിനെ 3-2ന് കീഴടക്കിയാണ് പര്‍വീണ്‍ സ്വര്‍ണം സ്വന്തമാക്കിയത്. ആവേശകരമായ ഫൈനലില്‍ അവസാന നിമിഷംവരെ നീണ്ട പോരാട്ടത്തിനൊടുവിലാണ് പര്‍വീന്‍ വിജയം സ്വന്തമാക്കിയത്. അഞ്ച് വിധികര്‍ത്താക്കളില്‍ മൂന്നുപേരുടെ അനുകൂല വിധിയോടെയായിരുന്നു ഇന്ത്യന്‍ താരത്തിന്റെ വിജയം.
2026 ലെ ഏഷ്യന്‍ ഗെയിംസില്‍ പുരുഷ ബോക്‌സിങ്ങില്‍ ഇന്ത്യയുടെ ആദ്യ സ്വര്‍ണ്ണ മെഡല്‍ ആണ് 21 കാരനായ അങ്കുഷ് പങ്കല്‍ ഇന്ത്യ സ്വന്തമാക്കിയത്. ഹരിയാന സ്വദേശിയായ താരം പുരുഷന്മാരുടെ 80 കിലോഗ്രാം ഫൈനലില്‍ ദക്ഷിണ കൊറിയയുടെ മിന്‍സോങ് കിമ്മിനെയാണ് പരാജയപ്പെടുത്തിയത്.
പുരുഷന്മാരുടെ 65 കിലോഗ്രാം വിഭാഗം ഗുസ്തിയില്‍ ഫൈനലില്‍ താജിക്കിസ്ഥാന്റെ അബ്ദുള്‍മഷിദ് കുദീവിനെ പരാജയപ്പെടുത്തി സുജീത് കല്‍ക്കറും ഇന്ന് സ്വര്‍ണം സ്വന്തമാക്കി. മത്സരത്തിന്റെ ഒരുഘട്ടത്തില്‍ പിന്നില്‍ പോയ സുജീത് കല്‍ക്കര്‍ അസാമാന്യമായ പ്രകടനം കാഴ്ചവച്ചാണ് മത്സരം സ്വന്തം വരുതിയിലാക്കിയത്. വിജയത്തോടെ ബജ്രംഗ് പുനിയ (2014,), യോഗേശ്വര്‍ ദത്ത് (2018)എന്നിവരും ഇതേ വിഭാഗത്തില്‍ സ്വര്‍ണം നേടിയിരുന്നു.
സ്വര്‍ണ നേട്ടങ്ങള്‍ക്ക് പുറമെ അമ്പെയ്ത്ത് മിക്‌സഡ് റികര്‍വ് ടീം വെള്ളി നേടി. കുമ്കും മോഹോഡ് ധീരജ് ബൊമ്മദേവര സംഖ്യം ഫൈനലില്‍ ചൈനയോടാണ് പരാജയപ്പെട്ടത്. ധീരജ് ബൊമ്മദേവര, നീരജ് ചൗഹാന്‍, യശ്ദീപ് ഭോഗെ എന്നിവരുള്‍പ്പെട്ട പുരുഷ റികര്‍വ് ടീം വെള്ളി നേടി. ഫൈനലില്‍ ദക്ഷിണ കൊറിയയോടാണ് ഇന്ത്യന്‍ താരങ്ങള്‍ പരാജയപ്പെട്ടത്. വനിതകളുടെ ഡിങ്കി സെയിലിങ്ങില്‍ ഇന്ത്യയുടെ നെത്ര കുമാനന്‍ വെങ്കലം സ്വന്തമാക്കി.
India made a strong surge in the Asian Games medal standings on Day 14, with Indian athletes winning five gold medals in a single day.