'നിങ്ങളുടെ പാന്, ആധാർ, ഏറ്റവും പുതിയ ബാങ്ക് സ്റ്റേറ്റ്മെന്റ് വാട്സ്ആപ്പിൽ അയയ്ക്കൂ.' കേൾക്കുമ്പോൾ സാധാരണമായൊരു അഭ്യർഥനയായി തോന്നാം. ലോൺ ഏജന്റ് ആവശ്യപ്പെട്ടതാകാം. പ്രോപ്പർട്ടി ബ്രോക്കർ ആവശ്യപ്പെട്ടതാകാം. ഹോട്ടൽ റിസപ്ഷനിസ്റ്റ് വെരിഫിക്കേഷനായി ആവശ്യപ്പെട്ടതാകാം. പക്ഷെ നിങ്ങളുടെ പാൻ, ആധാർ, ബാങ്ക് സ്റ്റേറ്റ്മെന്റ്, കെവൈസി രേഖകൾ വാട്സ്ആപ്പിലൂടെ അയയ്ക്കുന്നതിന് മുമ്പ് ഇനിമുതൽ രണ്ടുതവണ ചിന്തിക്കണം. ഇത്തരം രേഖകൾ മാത്രം ഉപയോഗിച്ച് നടത്തുന്ന തട്ടിപ്പുകൾ കൂടിവരുന്നതായി റിപ്പോർട്ട്. 2024-25ലെ റിസർവ് ബാങ്ക് ഓഫ് ഇന്ത്യയുടെ വാർഷിക റിപ്പോർട്ട് പ്രകാരം, 36,014 കോടി രൂപ ഉൾപ്പെട്ട 23,953 ബാങ്കിങ് തട്ടിപ്പ് കേസുകളാണ് റിപ്പോർട്ട് ചെയ്തത്.
നിങ്ങൾ അയച്ചുകൊടുക്കുന്ന രേഖകൾ പക്ഷെ അയാളുടെ ഫോണിലോ ലാപ്ടോപ്പിലോ ക്ലൗഡ് ബാക്കപ്പിലോ സൂക്ഷിക്കപ്പെടാൻ ഇടയാക്കും. നിങ്ങൾ ഒരിക്കൽ മാത്രം പങ്കുവെച്ചുവെന്ന് കരുതിയ വിവരങ്ങൾ പക്ഷെ കാലാകാലത്തേക്കും ആ വ്യക്തിയുടെ കൈവശം സൂക്ഷിക്കപ്പെടാൻ സാധ്യതയുണ്ട്. എന്നാൽ ആ വ്യക്തി പൂർണമായും വിശ്വസനീയനാണെങ്കിലും, നിങ്ങളുടെ രേഖകൾ വർഷങ്ങളോളം അവരുടെ കൈവശം തുടരുന്നത് അത്ര സുരക്ഷിതമല്ല. കാരണം, ഭാവിയിൽ അക്കൗണ്ട് ഹാക്ക് ചെയ്യപ്പെടുകയോ സുരക്ഷാ വീഴ്ച സംഭവിക്കുകയോ ചെയ്താൽ, ഒരിക്കൽ മാത്രം പങ്കുവെച്ചതാണെന്ന് നിങ്ങൾ കരുതിയിരുന്ന വിവരങ്ങൾ പുറത്താകാം.
'ഒരു രേഖ ലോൺ നൽകുന്ന സ്ഥാപനത്തിനോ ഹോട്ടലിനോ ആണ് അയയ്ക്കുന്നതെന്നാണ് ആളുകൾ കരുതുന്നത്. എന്നാൽ യഥാർഥത്തിൽ അത് ഒരു പെർസണൽ ഡിവൈസിലേക്കാണ് അയയ്ക്കുന്നത്. ഇതോടെ സ്വന്തം ഡാറ്റയുടെ നിയന്ത്രണം പൂർണമായും നഷ്ടപ്പെടുകയാണ്,” ഡിജിറ്റൽ ട്രസ്റ്റ് പ്ലാറ്റ്ഫോമായ Digioയുടെ സഹസ്ഥാപകനും സിഇഒയുമായ അഭിനവ് പരാശർ പറഞ്ഞു. വാട്ട്സ്ആപ്പിലൂടെ KYC രേഖകൾ അയയ്ക്കുന്നത് ഡാറ്റാ സുരക്ഷയ്ക്ക് ഭീഷണിയാകാം.
മറ്റൊരു ആശങ്കയും ഉയരുന്നുണ്ട്. ധനകാര്യ മേഖലയിൽ ഡയറക്ട് സെല്ലിംഗ് ഏജന്റുമാരുടെ വലിയ ശൃംഖലയുണ്ട്. ബാങ്കുകൾക്കും ധനകാര്യ സ്ഥാപനങ്ങൾക്കും ഉപഭോക്താക്കളെ കണ്ടെത്താനും സേവനങ്ങളിൽ ചേർക്കാനും ഇവർ സഹായിക്കുന്നു. സെൻസിറ്റീവായ കെവൈസി രേഖകൾ ഒരു സ്ഥാപനത്തിന്റെ ഔദ്യോഗിക സംവിധാനങ്ങൾക്ക് പകരം വ്യക്തിഗത ഫോൺ നമ്പറുകൾ വഴി ശേഖരിക്കുമ്പോഴാണ് പ്രശ്നം ആരംഭിക്കുന്നത്.
ഇതുവഴി സ്ഥാപനത്തിന്റെ സാധാരണ സൈബർ സുരക്ഷാ സംവിധാനങ്ങളുടെ പരിധിക്ക് പുറത്തേക്ക് ഡാറ്റ എത്താൻ സാധ്യതയുണ്ട്. ഒരേ രേഖയുടെ കൂടുതൽ കോപ്പികൾ സൃഷ്ടിക്കപ്പെടാനും ഇത് ഇടയാക്കും. തെറ്റായ കൈകളിലെത്തിയാൽ, വ്യക്തിഗത വിവരങ്ങൾ അനാവശ്യ കോളുകൾക്കും സന്ദേശങ്ങൾക്കും വേണ്ടിയുള്ള വിലപ്പെട്ട ലീഡുകളായി മാറാം. ഏറ്റവും ഗുരുതരമായ സാഹചര്യങ്ങളിൽ ഇത് വ്യക്തിവിവര മോഷണത്തിനും കാരണമാകാം. ഇന്ത്യയിലെ സാമ്പത്തിക തട്ടിപ്പുകളുടെ വ്യാപ്തി കണക്കിലെടുക്കുമ്പോൾ, വ്യക്തികൾ ജാഗ്രത പാലിക്കേണ്ടതിന്റെ ആവശ്യകത കൂടുതൽ വ്യക്തമാവുകയാണ്. 2024-25ലെ റിസർവ് ബാങ്ക് ഓഫ് ഇന്ത്യയുടെ വാർഷിക റിപ്പോർട്ട് പ്രകാരം, 36,014 കോടി രൂപ ഉൾപ്പെട്ട 23,953 ബാങ്കിങ് തട്ടിപ്പ് കേസുകളാണ് റിപ്പോർട്ട് ചെയ്തത്.
നിങ്ങളുടെ വ്യക്തിത്വം സ്ഥിരീകരിക്കാൻ കൂടുതൽ സുരക്ഷിതമായ മാർഗമുണ്ട്
വിവരങ്ങൾ പങ്കുവെക്കുന്നത് പൂർണമായും നിർത്തുക എന്നതല്ല ഇതിനുള്ള പരിഹാരം. ബാങ്കുകൾ, വായ്പാ സ്ഥാപനങ്ങൾ, ഹോട്ടലുകൾ തുടങ്ങി നിരവധി ബിസിനസുകൾക്ക് നിങ്ങൾ ആരാണെന്ന് സ്ഥിരീകരിക്കേണ്ടത് പലപ്പോഴും യഥാർഥത്തിൽ ആവശ്യമാണ്. എന്നാൽ, ആ വിവരങ്ങൾ ശേഖരിക്കുന്ന രീതി മാറ്റുന്നതാണ് കൂടുതൽ സുരക്ഷിതമായ സമീപനം. ബിസിനസുകൾ രേഖകൾ ശേഖരിക്കുന്ന രീതിയിൽ നിന്ന് മാറി സെലക്ടീവ് വേരിഫിക്കേഷൻ എന്ന രീതിയിലേക്ക് കടക്കണമെന്നാണ് പരാശറിന്റെ അഭിപ്രായം.
ഒരു വ്യക്തിയുടെ വാട്സ്ആപ്പ് നമ്പറിലേക്ക് പാൻ അല്ലെങ്കിൽ ആധാർ കോപ്പി അയയ്ക്കാൻ ഉപഭോക്താവിനോട് ആവശ്യപ്പെടുന്നതിന് പകരം, സ്ഥാപനത്തിന്റെ ഔദ്യോഗിക നിയന്ത്രണത്തിലുള്ള ഡിജിറ്റൽ ഫോമുകൾ ബിസിനസുകൾക്ക് ഉപയോഗിക്കാം. ഇത്തരം സംവിധാനങ്ങളിലൂടെ സ്വയമേവ പരിശോധനകൾ നടത്താനും കഴിയും. കൂടാതെ, ഡിജി ലോക്കർ പോലുള്ള പ്ലാറ്റ്ഫോമുകളിലൂടെയോ UIDAI യുടെ ഓഫ് ലൈൻ വെരിഫിക്കേഷൻ സീക്കിങ് എൻട്രി സംവിധാനത്തിലൂടെയോ രേഖകളുടെ ആധികാരികത പരിശോധിക്കാനും സാധിക്കും. പരിശോധന ഒരു വ്യക്തിയുടെ സ്വകാര്യ ഫോണിലൂടെ നടക്കുന്നതിന് പകരം സംഘടിതവും ഔദ്യോഗികവുമായ സംവിധാനത്തിലൂടെയാണ് നടക്കുന്നത് എന്നതാണ് ഇതിലെ പ്രധാന വ്യത്യാസം.
നിങ്ങളുടെ ഡാറ്റയെ സംബന്ധിച്ച് DPDP നിയമം എന്താണ് പറയുന്നത്?
ഇന്ത്യയുടെ ഡിജിറ്റൽ പെർസണൽ ഡാറ്റ പ്രൊട്ടക്ഷൻ ബിസിനസുകൾ വ്യക്തിഗത വിവരങ്ങൾ എങ്ങനെ ശേഖരിക്കുകയും ഉപയോഗിക്കുകയും ചെയ്യുന്നു എന്നതിൽ കൂടുതൽ ശ്രദ്ധ കേന്ദ്രീകരിക്കുന്ന ഒന്നാണ്. അടിസ്ഥാന ആശയം ലളിതമാണ്. നിങ്ങളുടെ വ്യക്തിഗത വിവരങ്ങൾ വ്യക്തമായി നിർവചിച്ച ഒരു ആവശ്യത്തിനായി മാത്രം ശേഖരിക്കുകയും ഉത്തരവാദിത്തത്തോടെ കൈകാര്യം ചെയ്യുകയും വേണം. അതുകൊണ്ടുതന്നെ വിവരങ്ങൾ എങ്ങനെ പങ്കുവെക്കുന്നു എന്നതും പ്രധാനമാണ്.
ഒരു സ്ഥാപനത്തിന്റെ ഔദ്യോഗിക പോർട്ടലിലൂടെ വിവരങ്ങൾ സമർപ്പിക്കുമ്പോൾ, ആരാണ് വിവരങ്ങൾ ശേഖരിക്കുന്നത്, എന്തിനാണ് ശേഖരിക്കുന്നത് എന്നതിനെക്കുറിച്ച് വ്യക്തമായ രേഖ ലഭിക്കും. എന്നാൽ, ഒരു വ്യക്തിഗത നമ്പറിലേക്ക് PDF അയയ്ക്കുമ്പോൾ, ആ ഡാറ്റയുടെ നിയന്ത്രണം വളരെ ബുദ്ധിമുട്ടാകും. രേഖ ഒരിക്കൽ ഡൗൺലോഡ് ചെയ്യുകയോ ഫോർവേഡ് ചെയ്യുകയോ ബാക്കപ്പ് എടുക്കുകയോ ചെയ്താൽ, അതിന്റെ കോപ്പികൾ എവിടെയൊക്കെയാണ് ഉള്ളതെന്ന് നിങ്ങൾക്ക് അറിയാൻ പോലും കഴിഞ്ഞേക്കില്ല.
രേഖകൾ പങ്കുവെക്കുന്നതിന് മുമ്പ് എന്താണ് ചെയ്യേണ്ടത്?
അടുത്ത തവണ ആരെങ്കിലും നിങ്ങളുടെ പാൻ, ആധാർ അല്ലെങ്കിൽ ബാങ്ക് സ്റ്റേറ്റ്മെന്റ് വാട്സ്ആപ്പിലൂടെ അയയ്ക്കാൻ ആവശ്യപ്പെട്ടാൽ, ഒരു നിമിഷം ചിന്തിക്കുക. പകരം സ്ഥാപനത്തിന്റെ ഔദ്യോഗിക ലിങ്കോ സുരക്ഷിതമായ ഡോക്യുമെന്റ് അപ്ലോഡ് പോർട്ടലോ ആവശ്യപ്പെടുക. ആ സ്ഥാപനത്തിന് പ്രത്യേകമായി ഒരു വെരിഫിക്കേഷൻ സംവിധാനം ഉണ്ടെങ്കിൽ, ജീവനക്കാരന്റെ വ്യക്തിഗത നമ്പറിലേക്ക് രേഖ അയയ്ക്കുന്നതിന് പകരം അത് ഉപയോഗിക്കുക.
രേഖ അയയ്ക്കുന്നത് ഒഴിവാക്കാൻ കഴിയാത്ത സാഹചര്യമാണെങ്കിൽ, പാസ്വേഡ് ഉപയോഗിച്ച് പ്രൊട്ടക്ടഡ് ഫയലായി അയയ്ക്കുകയും പാസ്വേഡ് മറ്റൊരു മാർഗത്തിലൂടെ പ്രത്യേകം പങ്കുവെക്കുകയും ചെയ്യുക. നിങ്ങളുടെ പാൻ കാർഡ്, ആധാർ, ബാങ്ക് സ്റ്റേറ്റ്മെന്റ് എന്നിവ സാധാരണ PDF ഫയലുകളല്ല. നിങ്ങളുടെ സാമ്പത്തികവും വ്യക്തിപരവും വ്യക്തിത്വവുമായി ബന്ധപ്പെട്ട നിർണായക വിവരങ്ങളാണ്. ഒരിക്കൽ അവ നിങ്ങളുടെ ഫോണിന് പുറത്തേക്ക് പോയാൽ, പൂർണമായി നിയന്ത്രണത്തിലാക്കുന്നത് ഏതാണ്ട് അസാധ്യമാണ്.
“Send your PAN, Aadhaar and latest bank statement on WhatsApp.” It may sound like a routine request. It could be from a loan agent, a property broker, or even a hotel receptionist asking for verification. But you should now think twice before sending your PAN, Aadhaar, bank statements or other KYC documents over WhatsApp.
Reports suggest that frauds involving such documents are on the rise. According to the Reserve Bank of India’s annual report for 2024-25, 23,953 banking fraud cases involving ₹36,014 crore were reported.