പശ്ചിമേഷ്യൻ സംഘർഷത്തിൽ അതീവ ആശങ്ക രേഖപ്പെടുത്തി ബ്രിക്സ് രാജ്യങ്ങളുടെ സംയുക്ത പ്രസ്താവന. സംഘർഷം അവസാനിപ്പിക്കണമെന്ന് ആഹ്വാനം ചെയ്ത രാജ്യങ്ങൾ, മറ്റ് രാജ്യങ്ങളുടെ പരമാധികാരത്തിന് മേൽ കടന്നു കയറരുത് എന്ന് പ്രസ്താവനയിൽ ചൂണ്ടിക്കാട്ടി.
ഓഗസ്റ്റിലെ താല്ക്കാലിക വെടിനിർത്തലിന് ശേഷം യുഎസ്-ഇറാൻ സംഘർഷം വീണ്ടും ശക്തമായ പശ്ചാത്തലത്തിലാണ് സംയുക്ത പ്രസ്താവനയ്ക്ക് അംഗീകാരം ലഭിക്കുന്നത്. ഇറാനും യുഎസും യുഎഇയും ഒരുപോലെ ബ്രിക്സ് കൂട്ടായ്മയിൽ ഉൾപ്പെടുന്നുണ്ട്. അതുകൊണ്ടു തന്നെ, എല്ലാവരെയും ഒന്നിച്ച് ഒരു സംയുക്ത പ്രസ്താവനയിൽ ധാരണയിലെത്തിക്കുക എന്നത് ഇന്ത്യയ്ക്ക് വെല്ലുവിളി നിറഞ്ഞ ദൌത്യമായിരുന്നു.
മിഡിൽ ഈസ്റ്റ് സംഘർഷത്തിൽ യു.എ.ഇയും ഇറാനും തമ്മിലുണ്ടായിരുന്ന കടുത്ത അഭിപ്രായവ്യത്യാസങ്ങളെത്തുടർന്ന് അർധരാത്രി വരെ നീണ്ട ചർച്ചകൾക്കൊടുവിലാണ് പ്രഖ്യാപനം പുറത്തുവന്നത്. ഭീകരവാദം, താരിഫുകൾ, ആണവ ഭീഷണികൾ മുതൽ ചർച്ചകളിലൂടെയും നയതന്ത്രത്തിലൂടെയും പ്രശ്നങ്ങൾ പരിഹരിക്കേണ്ടതിന്റെ ആവശ്യകത വരെയുള്ള ഏറ്റവും വലിയ തർക്കവിഷയങ്ങളെ കുറിച്ച് പ്രസ്താവനയിൽ പരാമർശിച്ചിട്ടുണ്ട്.
ഭീകരവാദത്തോട് ഒരു തരത്തിലുള്ള വിട്ടുവീഴ്ചയും പാടില്ലെന്ന് ആഹ്വാനം ചെയ്ത ബ്രിക്സ് രാജ്യങ്ങൾ, പഹൽഗാം ആക്രമണത്തെ പ്രത്യേകമായി അപലപിച്ചു. പാകിസ്ഥാന്റെ സുഹൃദ്രാജ്യമായ ചൈനയും ഈ പ്രഖ്യാപനത്തിൽ ഒപ്പുവെച്ചു എന്നത് പഹൽഗാം പരാമർശത്തെ കൂടുതൽ നിർണായകമാക്കുന്നു.
ഭീകരവാദത്തിലെ 'ഇരട്ടത്താപ്പുകൾ' തള്ളിക്കളയണമെന്നും ഇതിൽ പങ്കാളികളായവരെ നിയമത്തിന് മുന്നിൽ കൊണ്ടുവരണമെന്നും പ്രഖ്യാപനം ആവശ്യപ്പെടുന്നുണ്ട്.
1996-ൽ ഇന്ത്യ ഐക്യരാഷ്ട്രസഭയിൽ സമർപ്പിച്ച 'അന്താരാഷ്ട്ര ഭീകരവാദത്തിനെതിരെയുള്ള സമഗ്ര കൺവെൻഷൻ' വേഗത്തിൽ നടപ്പിലാക്കാനും പ്രസ്താവന ആഹ്വാനം ചെയ്തു. ഭീകരവാദത്തിനും ഭീകര സംഘടനകൾക്കുമെതിരെ ഒരു സാർവത്രിക നിയമനിർമ്മാണം ലക്ഷ്യമിടുന്നതാണ് ഈ ഉടമ്പടി.
പശ്ചിമേഷ്യയിലെ അശാന്തിയും റഷ്യ-ഉക്രെയ്ൻ യുദ്ധവും കണക്കിലെടുത്ത്, സംഘർഷങ്ങൾ തടയുന്നതിനുള്ള ശ്രമങ്ങൾ ശക്തമാക്കേണ്ടതിന്റെ ആവശ്യകത പ്രഖ്യാപനം എടുത്തുപറഞ്ഞു. ചർച്ചകളിലൂടെയും നയതന്ത്രത്തിലൂടെയും തർക്കങ്ങൾ പരിഹരിക്കാനുള്ള തങ്ങളുടെ പ്രതിബദ്ധത ബ്രിക്സ് നേതാക്കൾ ആവർത്തിക്കുകയും ചെയ്തു..
വെടിനിർത്തൽ തുടരണമെന്നും മാനുഷിക സഹായം ലഭ്യമാക്കണമെന്നും ആവശ്യപ്പെട്ടുകൊണ്ട് ഗസ വിഷയത്തിലും ബ്രിക്സ് പ്രധാന ശ്രദ്ധ നൽകി. 'ദ്വിരാഷ്ട്ര പരിഹാരത്തെയും' പലസ്തീന് ഐക്യരാഷ്ട്രസഭയിൽ പൂർണ്ണ അംഗത്വം നൽകുന്നതിനെയും പ്രഖ്യാപനം പിന്തുണച്ചു.
യു.എസ് ബ്രിക്സ് ചർച്ചകളിൽ നേരിട്ട് പങ്കെടുത്തിരുന്നില്ലെങ്കിലും, ഉച്ചകോടിയിലെ പ്രമുഖമായ ഒരു സാന്നിധ്യമായി ഉണ്ടായിരുന്നു. ഏകപക്ഷീയമായ സാമ്പത്തിക, അനുബന്ധ ഉപരോധങ്ങൾ, വികസനം, ഭക്ഷ്യസുരക്ഷ, ആരോഗ്യപരിപാലനം, മനുഷ്യാവകാശങ്ങൾ എന്നിവയെ പ്രതികൂലമായി ബാധിക്കുമെന്ന് പ്രസ്താവന ചൂണ്ടിക്കാട്ടി.
ഏകപക്ഷീയമായ താരിഫുകൾ, ഇതര വ്യാപാര നിയന്ത്രണങ്ങൾ, മറ്റ് സംരക്ഷണവാദ നടപടികൾ എന്നിവയിലും കൂട്ടായ്മ ആശങ്ക രേഖപ്പെടുത്തി - കഴിഞ്ഞ വർഷം ട്രംപ് ചുമത്തിയ യു.എസ് താരിഫ് തരംഗത്തെ സൂചിപ്പിക്കുന്നതായിരുന്നു ഇത്.
ആണവ അപകടങ്ങളുടെയും സംഘർഷങ്ങളുടെയും വർധിച്ചുവരുന്ന ഭീഷണികളിൽ ബ്രിക്സ് ആശങ്ക പ്രകടിപ്പിക്കുന്നുണ്ട് - യുഎസ്-ഇറാൻ തമ്മിൽ ആയുധ നിയന്ത്രണ ചട്ടക്കൂടുകൾ തകരുകയും ഇറാന്റെ ആണവനിലയങ്ങൾക്ക് നേരെ ആക്രമണങ്ങൾ ഉണ്ടാവുകയും ചെയ്ത സാഹചര്യത്തിലെ കടുത്ത ആശങ്കയാണ് ഇത് പ്രതിഫലിപ്പിക്കുന്നത്.
ഗ്ലോബൽ സൗത്തിന് കൂടുതൽ ശബ്ദം നൽകണമെന്നും അന്താരാഷ്ട്ര സ്ഥാപനങ്ങളിൽ വികസിത രാജ്യങ്ങൾക്ക് കൂടുതൽ പ്രാതിനിധ്യം നൽകണമെന്നും പ്രഖ്യാപനം ആവശ്യപ്പെട്ടു.
ഐക്യരാഷ്ട്രസഭാ രക്ഷാസമിതിയുടെ സമഗ്രമായ പരിഷ്കരണത്തെയും കൂട്ടായ്മ പിന്തുണച്ചു. ഐക്യരാഷ്ട്രസഭയിലും രക്ഷാസമിതിയിലും ബ്രസീലിനും ഇന്ത്യയ്ക്കും "വലിയ പങ്ക്" വഹിക്കുന്നതിന് ചൈനയും റഷ്യയും നൽകുന്ന പിന്തുണയെ പ്രഖ്യാപനം സ്വാഗതം ചെയ്തു.
വികസ്വര രാജ്യങ്ങൾക്ക് കൂടുതൽ പ്രാതിനിധ്യവും വോട്ടവകാശവും നേതൃസ്ഥാനങ്ങളും നൽകുന്നതിനായി ഐ.എം.എഫ്, ലോകബാങ്ക് തുടങ്ങിയ സ്ഥാപനങ്ങളിൽ പരിഷ്കാരങ്ങൾ വരുത്തണമെന്നും സംയുക്ത പ്രസ്താവനയിൽ ആവശ്യപ്പെടുന്നുണ്ട്.
ചുരുക്കത്തിൽ, ആഗോള ക്രമം രൂപപ്പെടുത്തുന്നതിൽ കൂടുതൽ പങ്കുവഹിക്കാനുള്ള ബ്രിക്സ് രാജ്യങ്ങളുടെ ശ്രമങ്ങളെയാണ് ഈ പ്രഖ്യാപനം പ്രതിഫലിപ്പിക്കുന്നത്. 11 അംഗരാജ്യങ്ങളിൽ നിന്നും ഏകകണ്ഠമായ പിന്തുണ ഉറപ്പാക്കാൻ കഴിഞ്ഞത് ഇന്ത്യയുടെ അധ്യക്ഷതയ്ക്ക് ലഭിച്ച വലിയൊരു നയതന്ത്ര വിജയമായി കണക്കാക്കാം.
The BRICS countries have expressed deep concern over the conflict in West Asia in a joint statement. Calling for an end to the conflict, the countries stressed that the sovereignty of other nations must not be violated. The joint statement comes amid renewed escalation in tensions between the US and Iran following a temporary ceasefire in August.
Iran, the US and the UAE are all part of the BRICS grouping. Bringing all the countries together to reach a consensus on a joint statement was therefore a challenging task for India. The statement was issued after discussions continued until midnight, amid sharp differences between the UAE and Iran over the conflict in the Middle East.
The statement also addressed some of the most contentious issues, including terrorism, tariffs and nuclear threats, while stressing the need to resolve disputes through dialogue and diplomacy.